ટૉપ ન્યૂઝ

'કોંગ્રેસની સરકાર હોત તો ભારતના વડાપ્રધાન અહીં બેઠા હોત', ટ્રમ્પ-પુતિન-જિનપિંગનો ફોટો શેર કરી રાહુલ ગાંધીનો કટાક્ષ

20 નવેમ્બર, 2026•
GVGujaratvandan team
'કોંગ્રેસની સરકાર હોત તો ભારતના વડાપ્રધાન અહીં બેઠા હોત', ટ્રમ્પ-પુતિન-જિનપિંગનો ફોટો શેર કરી રાહુલ ગાંધીનો કટાક્ષ

Rahul Gandhi Targets PM Modi: અમેરિકાના રાષ્ટ્રપતિ ડોનાલ્ડ ટ્રમ્પ, ચીનના રાષ્ટ્રપતિ શી જિનપિંગ અને રશિયાના રાષ્ટ્રપતિ વ્લાદિમીર પુતિનની એકસાથે બેઠેલી તસવીરને લઈને ભારતમાં રાજકીય ગરમાવો જોવા મળી રહ્યો છે. કોંગ્રેસ નેતા રાહુલ ગાંધીએ આ તસવીર સોશિયલ મીડિયા પ્લેટફોર્મ X પર શેર કરીને વડાપ્રધાન નરેન્દ્ર મોદી પર નિશાન સાધ્યું છે. રાહુલ ગાંધીએ કટાક્ષ કરતાં કહ્યું કે, જો દેશમાં કોંગ્રેસની સરકાર હોત તો ભારતના વડાપ્રધાન પણ આ ટેબલ પર બેઠા હોત. તેમના નિવેદન સામે ભાજપના પ્રવક્તા પ્રદીપ ભંડારીએ પણ વળતો પ્રહાર કર્યો છે.

'સમજૂતી કરનાર PM ક્યારેય આ ટેબલ પર બેસી ન શકે'
રાહુલ ગાંધીએ વૈશ્વિક મંચ પર ભારતની સ્થિતિને લઈને કેન્દ્ર સરકાર પર સવાલ ઉઠાવ્યા હતા. તેમણે X પર ત્રણેય વૈશ્વિક નેતાઓની તસવીર શેર કરીને લખ્યું હતું કે, 'જો કોંગ્રેસ સત્તામાં હોત તો ભારતના વડાપ્રધાન પણ આ ટેબલ પર બેઠા હોત.' આ સાથે તેમણે વડાપ્રધાન નરેન્દ્ર મોદી માટે 'Compromised PM' શબ્દનો ઉપયોગ કરીને કટાક્ષ કર્યો હતો. રાહુલ ગાંધીએ લખ્યું હતું કે, 'સમજૂતી કરનાર વડાપ્રધાન ક્યારેય આ ટેબલ પર બેસી શકતા નથી.'

શેનઝેનમાં ટ્રમ્પ, પુતિન અને જિનપિંગની મુલાકાત
ઉલ્લેખનીય છે કે અમેરિકાના રાષ્ટ્રપતિ ડોનાલ્ડ ટ્રમ્પ અને રશિયાના રાષ્ટ્રપતિ વ્લાદિમીર પુતિન APEC સમિટ સહિતની મહત્ત્વપૂર્ણ બેઠકોમાં ભાગ લેવા માટે ચીનના શેનઝેન પહોંચ્યા હતા. આ દરમિયાન ચીનના રાષ્ટ્રપતિ શી જિનપિંગ સાથે ટ્રમ્પ અને પુતિનની મુલાકાત થઈ હતી. આ ત્રણેય નેતાઓની એકસાથે બેઠેલી તસવીર શેર કરીને રાહુલ ગાંધીએ ભારતની વૈશ્વિક કૂટનીતિ અને વડાપ્રધાન મોદીની ભૂમિકા અંગે સવાલો ઉઠાવ્યા હતા.

પ્રદીપ ભંડારીએ કોંગ્રેસની વિદેશ નીતિ પર કર્યા પ્રહાર
રાહુલ ગાંધીના નિવેદન બાદ ભાજપના પ્રવક્તા પ્રદીપ ભંડારીએ સોશિયલ મીડિયા પ્લેટફોર્મ X પર પોસ્ટ કરીને વળતો જવાબ આપ્યો હતો. તેમણે કોંગ્રેસના શાસનકાળની વિદેશ નીતિ પર સવાલો ઉઠાવ્યા હતા. પ્રદીપ ભંડારીએ આરોપ લગાવ્યો હતો કે કોંગ્રેસના શાસન દરમિયાન ભારતની વિદેશ નીતિમાં પાકિસ્તાનને કેન્દ્રમાં રાખવામાં આવ્યું હતું અને દેશની સુરક્ષા સાથે સમજૂતી કરવામાં આવી હતી. તેમણે એવો પણ દાવો કર્યો હતો કે વર્ષ 2013માં ભારત BRICSની સદસ્યતા ગુમાવવાની સ્થિતિમાં પહોંચી ગયું હતું અને વૈશ્વિક કૂટનીતિમાં દેશની ભૂમિકા નબળી પડી હતી. આ ઉપરાંત પ્રદીપ ભંડારીએ કોંગ્રેસ સરકાર પર સંયુક્ત રાષ્ટ્ર સુરક્ષા પરિષદ (UNSC)ની સ્થાયી સદસ્યતા ચીનને આપી દેવાનો આરોપ પણ લગાવ્યો હતો. આ રીતે ત્રણેય વૈશ્વિક નેતાઓની તસવીરને લઈને શરૂ થયેલી રાજકીય નિવેદનબાજીમાં કોંગ્રેસ અને ભાજપ સામસામે આવી ગયાં છે.

Tags:
GujaratVandanCongress BJP Political NewsXi JinpingVladimir PutinDonald Trump
અમારા WhatsApp ચેનલ સાથે જોડાઓ
તાજા અપડેટ્સ મેળવો સીધા તમારા WhatsApp પર
Join Now

Videos

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યાં છે.?

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યા...

16 માર્ચ, 2026
'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે ભારતનો વહીવટ? જુઓ સનસનીખેજ વિશ્લેષણ.

'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે...

10 માર્ચ, 2026
નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બિહારમાં કેવી રીતે રમી ‘માસ્ટર ગેમ’?

નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બ...

10 માર્ચ, 2026
'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના કેમ? જાણો અંદરની વાત!

'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના ક...

10 માર્ચ, 2026
શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કરવાના કાવતરાનો પર્દાફાશ!

શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કર...

10 માર્ચ, 2026
શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

26 ફેબ્રુઆરી, 2026
 ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર... રેવડી કલ્ચર... ઔર રેવડી કલ્ચર...

ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર...

26 ફેબ્રુઆરી, 2026