શેરબજારમાં રોકાણના નામે 64 લાખની છેતરપિંડી સાયબર ક્રાઇમે અજાણ્યા શખ્સ વિરુદ્ધ ફરિયાદ નોંધી
![top-news](https://gujaratvandan.com/public/uploads/images/newsimages/GujaratVandan07032024_125845_download (58).jpg)
- 07 Mar, 2024
શહેરમાં દિવસે ને દિવસે છેતરપિંડીના બનાવોમાં વધારોજ થતો જોવા મળી રહ્યો છે, સામાન્ય જનતાને વધુ કમાવી આપવાની લાલચ આપીને છેતરવામાં આવી રહ્યા છે,તેથી જો તમે શેર બજારમાં રોકાણ કરો છો તો કરતા રહો, પરંતુ કોઈના નામે રોકાણનો વોટ્સએપ મેસેજ આવે તો ચેતી જજો..! કારણે કે, આવી જ રીતે છેતરપિંડીના બનાવો હમણા ખાસ્સા પ્રમાણમાં વધી રહ્યાં છે. અમદાવાદમાં શેર બજારમાં રોકાણ કરવાના નામે રૂ 64.95 લાખની છેતરપિંડીની ફરિયાદ નોંધાઇ છે. સાયબર ક્રાઇમે અજાણ્યા શખ્સ વિરુદ્ધ ફરિયાદ નોંધીને કાર્યવાહી હાથ ધરી છે
આરોપીએ ગોલ્ડમેન સાચેસ સ્ટોક પુલ અપ નામથી વોટસએપ મારફતે વાતચીત કરીને શેર માર્કેટમા રોકાણ કરવાની વાત કરી હતી. વધુ નફો મળશે તેવી લાલચ આપી હતી. બીજા ગ્રુપમાં 33 વીઆઇપી ગોલ્ડમેન સાચેસ તથા 15-બિઝનેસ પ્રોસેસિંગ ગ્રુપમાં છે તેમજ જે નામાંકિત વ્યક્તિ છે. સાથે સાથે વોટસએપ ચેટથી રોકાણ કરવાના બહાને KYC ડોક્યુમેન્ટ ફીડ કરવા જણાવ્યું હતું.
શેરમાર્કેટમાં રોકણથી વધુ નફો મળશે તેવી લાલચ આપીને અલગ-અલગ બેન્ક એકાઉન્ટમાંથી રૂપિયા 64.95 લાખની છેતરપિંડી આચરવામાં આવી હતી. સાયબર ક્રાઇમે ગુનો નોંધીને વધુ તપાસ હાથ ધરી છે. આમ આ રીતે રોકાણના નામે સાયબર ફ્રોડની ઘટના દિવસેને દિવસે વધી રહી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ