HDFC ‘હેલ્થ ઈન્સ્યોરન્સ’એ પોલિસી પાછી ખેંચી : એર્ગોએ બજારમાંથી 3 મુખ્ય હેલ્થ ઈન્સ્યોરન્સ યોજનાઓ પાછી ખેંચી લીધી...
![top-news](https://gujaratvandan.com/public/uploads/images/newsimages/GujaratVandan09052024_120342_experts-deliberate-on-the-need-for-health-insurance-to-secure-your-today-and-tomorrow.webp)
- 09 May, 2024
દેશની સૌથી મોટી ખાનગી બેંક HDFC બેંકની માલિકીની સામાન્ય વીમા કંપની HDFC એર્ગોએ બજારમાંથી 3 મુખ્ય હેલ્થ ઈન્સ્યોરન્સ યોજનાઓ પાછી ખેંચી લીધી છે. આરોગ્ય વીમા પૉલિસી કે જે HDFC એર્ગોએ બજારમાંથી બંધ કરી દીધી છે અથવા તો પાછી ખેંચી લીધી છે.જેમાં ‘માય: હેલ્થ સુરક્ષા’ યોજનાઓના વિવિધ પ્રકારો છે. આવી સ્થિતિમાં જે ગ્રાહકો પાસે પહેલાથી જ આ પોલિસી છે, તેમના માટે પોલિસી રિન્યૂ કરતી વખતે ધ્યાન રાખવાની બાબત કંપની દ્વારા જણાવવામાં આવી છે.
HDFC ERGO ની ‘માય: હેલ્થ સુરક્ષા’ પોલિસીના હાલમાં બજારમાં ઘણા પ્રકારો છે. હવે કંપનીએ ‘ગોલ્ડ’, ‘પ્લેટિનમ’ અને ‘સિલ્વર’ વેરિઅન્ટની યોજનાઓ પાછી ખેંચી લીધી છે. જેમની પાસે પહેલેથી જ આ પોલિસી છે, તે હવે જ્યારે તે રિન્યુ કરવા જશે ત્યારે નિયમોમાં કેટલાક ફેરફાર જોવા મળી શકે છે. જો કે આ યોજનાઓ પોલિસીની રિન્યૂ ડેટ સુધી એક્ટિવ રહેશે.
એક મીડિયા રિપોર્ટ મુજબ કંપનીનું કહેવું છે કે જે ગ્રાહકોની પોલિસી 7 ઓગસ્ટ, 2024ના રોજ અથવા તે પછી રિન્યૂ થવાની છે, તેઓ કંપનીના નવા હેલ્થ ઈન્સ્યોરન્સ પ્લાન HDFC એર્ગો ઓપ્ટિમા રિસ્ટોર પ્લાનમાં શિફ્ટ થઈ શકે છે. કંપનીએ એ પણ સ્પષ્ટ કર્યું છે કે જો કોઈ ગ્રાહકને બંધ કરવામાં આવેલી ત્રણ પોલિસી પર કોઈ બોનસ મળ્યું હોય તો તેને નવી પોલિસીમાં શિફ્ટ કરવાથી કોઈ નુકસાન થશે નહીં. તેમનું બોનસ નવી પોલિસીના રિન્યૂઅલ સમયે ટ્રાન્સફર કરવામાં આવશે.
એટલું જ નહીં ગ્રાહકોને તે તમામ હોસ્પિટલોમાં પ્રવેશ મળતો રહેશે. જે તેમને તેમની અગાઉની પોલિસી હેઠળ મળતી હતી. જ્યારે આ પોલિસીઓની વિશેષતાઓ લગભગ સમાન છે, ત્યારે ગ્રાહકોના પ્રીમિયમ પર વધુ અસર થવાની અપેક્ષા નથી. HDFC એર્ગોએ આ પોલિસીઓ બંધ કરવા માટે કોઈ કારણ આપ્યું નથી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ