શેરબજારમાં એક્સિટ પોલના પરિણામની અસર: સેન્સેક્સ 2120 અંક વધ્યો, નિફ્ટી 659 અંક વધી; પાવર ગ્રીડ કોર્પ, એનટીપીસી, એસબીઆઈના શેર વધ્યા
![top-news](https://gujaratvandan.com/public/uploads/images/newsimages/GujaratVandan03062024_053344_BSE 1 (1).webp)
- 03 Jun, 2024
શનિવારે આવેલા એક્સિટ પોલના પરિણામોની અસર આજે ભારતીય શેરબજાર પર જોવા મળી રહી છે. સવારે 10.32 વાગ્યે સેન્સેક્સ 2120 અંક વધીને 76081 પર કારોબાર કરી રહ્યો છે. જ્યારે નિફ્ટી 659 અંક વધીને 23190 પર કારોબાર કરી રહ્યો છે.
સેન્સેક્સ પર પાવર ગ્રીડ કોર્પ, એનટીપીસી, એસબીઆઈ, લાર્સન, અલ્ટ્રાટેક સિમેન્ટ સહિતના શેરમાં તેજી જેવા મળી રહી છે. પાવર ગ્રીડ કોર્પ 10.41 ટકા વધી 342.15 પર કારોબાર કરી રહ્યો છે. એનટીપીસી 7.63 ટકા વધી 386.30 પર કારોબાર કરી રહ્યો છે. જોકે આઈસર મોટર્સ, એલટીઆઈમિન્ડટ્રી, એચડીએફસી લાઈફ સહિતના શેરમાં ઘટાડો જોવા મળી રહ્યો છે. આઈસર મોટર્સ 1.67 ટકા ઘટી 4654.50 પર કારોબાર કરી રહ્યો છે. એલટીઆઈમિન્ડટ્રી 0.23 ટકા ઘટી 4691.00 પર કારોબાર કરી રહ્યો છે. એચડીએફસી લાઈફ 0.21 ટકા ઘટી 548.70 પર કારોબાર કરી રહ્યો છે.
ઉલ્લેખનીય છે કે લોકસભા ચૂંટણીના અંતિમ તબક્કા બાદ આજે વિવિધ એક્ઝિટ પોલના પરિણામો જાહેર કરવામાં આવ્યા છે. સી વોટર મુજબ એનડીએને 353-383 સીટ મળવાની શક્યતા છે. ઈન્ડિયા ગઠબંધનને 152-182 સીટ મળવાની શક્યતા છે. જ્યારે અન્યને 4-12 સીટ મળવાની શક્યતા છે. એક્સિસ મુજબ એનડીએને 361-401 સીટ મળવાની શક્યતા છે. ઈન્ડિયા ગઠબંધનને 131-166 સીટ મળવાની શક્યતા છે. જ્યારે અન્યને 8-20 સીટ મળવાની શક્યતા છે. મેટ્રિઝ મુજબ એનડીએને 353-368 સીટ મળવાની શક્યતા છે. જ્યારે ઈન્ડિયા ગઠબંધનને 118-133 સીટ મળવાની શક્યતા છે. જ્યારે અન્યને 43-48 બેઠકો મળવાની શક્યતા છે.
ચાણક્ય મુજબ એનડીએને 400 બેઠક મળવાની શક્યતા છે. જ્યારે ઈન્ડિયા ગઠબંધનને 107 બેઠકો મળવાની શક્યતા છે. અન્યને 36 બેઠકો મળવાની શક્યતા છે. સીએનએક્સ મુજબ એનડીએને 371-401 બેઠકો મળવાની શક્યતા છે. ઈન્ડિયા ગઠબંધનને 109-139 બેઠકો મળવાની શક્યતા છે. જ્યારે અન્યે 28-38 બેઠકો મળવાની શક્યતા છે. પોલસ્ટ્રાટ મુજબ એનડીએને 342 બેઠક મળવાની શક્યતા છે. ઈન્ડિયા ગઠબંધનને 166 બેઠકો મળવાની શક્યતા છે. જ્યારે અન્યને 35 બેઠકો મળવાની શક્યતા છે. જન કી બાત મુજબ એનડીએને 362-392 બેઠકો મળવાની શક્યતા છે. ઈન્ડિયા ગઠબંધનને 141-161 બેઠકો મળવાની શક્યતા છે. જ્યારે અન્યને 10-20 બેઠકો મળવાની શક્યતા છે.