ગુજરાત વંદન

Breaking News

આ દવાઓ મફત મળશે: ગુજરાતના તમામ આરોગ્ય કેન્દ્રો પર ફ્રીમાં મળશે જીવન જરૂરી મેડિસિન્સ, સરકારે યાદીમાં ઉમેરી નવી દવાઓ. ફ્રાન્સથી આવ્યા માઠા સમાચાર: ઓલિમ્પિકની શરૂઆત પહેલા ફ્રાન્સના રેલવે નેટવર્ક પર હુમલો થતા 8 લાખ લોકો અસરગ્રસ્ત, ટ્રેન નેટવર્કની ખામી શોધવાના પ્રયાસો ચાલું. ભારતીય શેરબજારોમાં મોટો ઉછાળો: સેન્સેક્સ 1292 અંક વધ્યો, નિફ્ટી 24834 પર બંધ; ભારતી એરટેલ, વિપ્રો, ટાટા સ્ટીલના શેર વધ્યા. ભષ્ટ્રાચારને નાથવા ગુજરાત સરકાર લાવશે કાયદો: વિધાનસભાના ચોમાસુ સત્રમાં વિધાયક આવે તેવી શક્યતા, ભષ્ટ્રાચાર કરનાર અધિકારીઓમાં ગભરાટ. કારગીલ વિજય દિવસની ઉજવણી: વડાપ્રધાન નરેન્દ્ર મોદીએ કારગિલ યુદ્ધના વીરોને આપી શ્રદ્ધાંજલિ, લદ્દાખમાં શિંકુન લા પ્રોજેક્ટની પણ કરી શરૂઆત. રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે. સુપ્રીમ કોર્ટે કેન્દ્રને આપ્યો ઝાટકો: કોર્ટે કહ્યું- રાજ્યોને ખાણ અને ખનીજો ધરાવતી જમીનો પર ટેક્સ લગાવવાનો અધિકાર, ખનીજો પર ટેક્સ વસુલવાના મામલે મોટો ચુકાદો. શેરબજાર ખુલતાની સાથે જ તૂટ્યું: સેન્સેક્સ 600 અંક ઘટ્યો, નિફ્ટી 24300ની નીચે; ટાટા મોટર્સ, લાર્સન, કોટક મહિન્દ્રાના શેર વધ્યા. રેલવે મંત્રીએ આપ્યા સારા સમાચાર: મધ્યમ અને ઓછી આવક ધરાવનાર પરિવારોને થશે સીધો ફાયદો, જાણો અશ્વિની વૈષ્ણવે કરેલી જાહેરાત વિશે. કેન્દ્ર સરકારનો મોટો નિર્ણય: અગ્નિવીરોને BSF અને CISFમાં 10 ટકા અનામત મળશે, પ્રથમ બેચને ઉંમરમાં 5 વર્ષની છૂટછાટ અપાશે.

ભારતીય શેરબજારનો હનુમાન કૂદકો: સેન્સેક્સ 1651 અંક વધ્યો, નિફ્ટીએ 22300ની સપાટી વટાવી; HUL, M&M, નેસ્લેના શેર વધ્યા

05 Jun, 2024

ચૂંટણીના પરિણામની નેગેટિવ અસરના પગલે ગઈકાલે ભારતીય શેરબજારોના બંને ઈન્ડેક્સ એટલે કે સેન્સેક્સ અને નિફ્ટીમાં ભારે ઘટાડો જોવા મળ્યો હતો. સેન્સેક્સ 6000 અંક તૂટ્યો હતો. જ્યારે નિફ્ટીમાં 1900 અંકનો ઘટાડો જોવા મળ્યો હતો. આજે સવારે ભારતીય શેરબજારોએ ફરી એક વખત હનુમાન કૂદકો લગાવ્યો છે. સવારે 11.40 કલાકે સેન્સેક્સ 1651 અંક વધી 73730 પર કારોબાર કરી રહ્યો છે. જ્યારે નિફ્ટી 516 અંક વધી 22400 પર કારોબાર કરી રહ્યો છે.

સેન્સેક્સ પર એચયુએલ, નેસ્લે, એશિયન પેઈન્ટ્સ, આઈટીસી, મારૂતિ સુઝુકી સહિતના શેરમાં વધારો જોવા મળી રહ્યો છે. એચયુએલ 7.51 ટકા વધી 2683.75 પર કારોબાર કરી રહ્યો છે. નેસ્લે 4.82 ટકા વધી 2544.20 પર કારોબાર કરી રહ્યો છે. એશિયન પેઈન્ટ્સ 4.21 ટકા વધી 2978.70 પર કારોબાર કરી રહ્યો છે. આઈટીસી 3.39 ટકા વધી 429.50 પર કારોબાર કરી રહ્યો છે. મારૂતિ સુઝુકી 3.02 ટકા વધી 12486.55 પર કારોબાર કરી રહ્યો છે.

લાર્સન, પાવર ગ્રીડ કોર્પ, એનટીપીસી, એસબીઆઈ, આઈસીઆઈસીઆઈ બેન્ક સહિતના શેરમાં ઘટાડો જોવા મળી રહ્યો છે. લાર્સન 5.28 ટકા ઘટી 3223.25 પર કારોબાર કરી રહ્યો છે. પાવર ગ્રીડ કોર્પ 4.44 ટકા ઘટી 282.75 પર કારોબાર કરી રહ્યો છે. એનટીપીસી 3.27 ટકા ઘટી 320.55 પર કારોબાર કરી રહ્યો છે. એસબીઆઈ 2.13 ટકા ઘટી 758.65 પર કારોબાર કરી રહ્યો છે. આઈસીઆઈસીઆઈ બેન્ક 1.82 ટકા ઘટી 1053.65 પર કારોબાર કરી રહ્યો છે.

મંગળવારે સવારે 9.15 વાગ્યે બોમ્બે સ્ટોક એક્સચેન્જના 30 શેરોવાળો સેન્સેક્સ 1700 અંક ઘટીને, જ્યારે નેશનલ સ્ટોક એક્સચેન્જનો નિફ્ટી 400 અંક ઘટીને ખુલ્યો હતો. જોકે પછીથી જેમ-જેમ ચૂંટણીના પરિણામો આવતા ગયા હતા, તેમ-તેમ શેરબજાર પત્તાની જેમ વિખેરાતું ગયું હતું. બપોરે 12 વાગ્યાની આસપાસ સેન્સેક્સ 6094 અંક તૂટ્યું હતું અને નિફ્ટી પણ 1900 અંક તૂટ્યો હતો.

જોકે માર્કેટ બંધ થાય ત્યા સુધીમાં ઘણી રિકવરી પણ જોવા મળી હતી. સેન્સેક્સ 4389.73 અંક ઘટીને 72079.05 પર બંધ થયો હતો. નિફ્ટી 1379.40 તૂટીને 21884.50ના લેવલે ક્લોઝ થયો હતો. શેરબજારમાં આવેલી સુનામીમાં સ્ટોક માર્કેટના રોકાણકારોના 31 લાખ કરોડ રૂપિયા ડૂબ્યા હતા.