ગુજરાત વંદન

માતૃભાષા દિને ચોંકાવનારો ઘટસ્ફોટ : વિદ્યાર્થીઓ ગુજરાતીમાં જ "નાપાસ" ગણિત, વિજ્ઞાન બાદ સૌથી અઘરો વિષય.!!!!

21 Feb, 2024

રાજ્યમાં ભણતા વિદ્યાર્થીઓનું માતૃભાષા પર જ જો પ્રભુત્વ ન હોય તો બીજા વિષય ના જ્ઞાન અંગે સવાલ ઉઠે તે માં કોઈ શંકાને સ્થાન નથી. તમારો પાયો જ કાચો હશે તો આગળ વધવવાનો પ્રશ્ન રહેતો નથી.વિશ્વ માતુભાષા દિવસે એક ચોંકાવનારો અહેવાલ પ્રાપ્ત થયો છે. તે મુજબ ગુજરાતમાં છેલ્લાં કેટલાક વર્ષના ધોરણ 10નાં ગુજરાત બોર્ડના પરિણામ પર નજર કરવામાં આવે તો અંદાજે 1 લાખ જેટલાં વિદ્યાર્થિઓ ગુજરાતીમાં જ નાપાસ થતાં જણાય છે.

ગત વર્ષે ધો.10ની પરીક્ષામાં કુલ 6.25 લાખ વિદ્યાર્થીઓએ ગુજરાતી ભાષાની પરીક્ષા આપી હતી જેમાંથી 96286 જેટલાં નાપાસ થયા હતા. 2022માં સ્થિતિ વધારે ખરાબ હતી. એ વખતે 6.64 લાખ પરીક્ષાર્થીઓમાંથી 1.18 લાખ નાપાસ થયા હતા.

શિક્ષણવિદ્ન ના મતે ગણિત, વિજ્ઞાન બાદ જે વિષયમાં સૌથી વધુ વિદ્યાર્થીઓ ફેલ થયા હોય તે વિષય છે ગુજરાતી. આજે ઘણા વિદ્યાર્થિઓની માતૃભાષા ગુજરાતી હોવા છતાં યોગ્ય રીતે ગુજરાતી લખતાં તો દૂર વાંચતા પણ નથી આવડતી. હવે માતૃભાષાની દિશામાં વિદ્યાર્થિઓનું સ્તર સુધરે તે દિશામાં શરૂઆતથી જ મહેનત કરવી પડશે.

પાયો જ કાચો હશે તો તેનાથી આગળ જતાં ગુજરાતીમાં નબળું પરિણામ આવે તેવી સંભાવના વધી જાય છે. તેથી બાળક સાથે ઘરમાં માતૃભાષામાં સવાંદ થાય તેવો આગ્રહ દરેક માતા પિતા એ રાખવો પડશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0

ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ‎

https://rb.gy/7vfj