ગુજરાત વંદન

Breaking News

આ દવાઓ મફત મળશે: ગુજરાતના તમામ આરોગ્ય કેન્દ્રો પર ફ્રીમાં મળશે જીવન જરૂરી મેડિસિન્સ, સરકારે યાદીમાં ઉમેરી નવી દવાઓ. ફ્રાન્સથી આવ્યા માઠા સમાચાર: ઓલિમ્પિકની શરૂઆત પહેલા ફ્રાન્સના રેલવે નેટવર્ક પર હુમલો થતા 8 લાખ લોકો અસરગ્રસ્ત, ટ્રેન નેટવર્કની ખામી શોધવાના પ્રયાસો ચાલું. ભારતીય શેરબજારોમાં મોટો ઉછાળો: સેન્સેક્સ 1292 અંક વધ્યો, નિફ્ટી 24834 પર બંધ; ભારતી એરટેલ, વિપ્રો, ટાટા સ્ટીલના શેર વધ્યા. ભષ્ટ્રાચારને નાથવા ગુજરાત સરકાર લાવશે કાયદો: વિધાનસભાના ચોમાસુ સત્રમાં વિધાયક આવે તેવી શક્યતા, ભષ્ટ્રાચાર કરનાર અધિકારીઓમાં ગભરાટ. કારગીલ વિજય દિવસની ઉજવણી: વડાપ્રધાન નરેન્દ્ર મોદીએ કારગિલ યુદ્ધના વીરોને આપી શ્રદ્ધાંજલિ, લદ્દાખમાં શિંકુન લા પ્રોજેક્ટની પણ કરી શરૂઆત. રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે. સુપ્રીમ કોર્ટે કેન્દ્રને આપ્યો ઝાટકો: કોર્ટે કહ્યું- રાજ્યોને ખાણ અને ખનીજો ધરાવતી જમીનો પર ટેક્સ લગાવવાનો અધિકાર, ખનીજો પર ટેક્સ વસુલવાના મામલે મોટો ચુકાદો. શેરબજાર ખુલતાની સાથે જ તૂટ્યું: સેન્સેક્સ 600 અંક ઘટ્યો, નિફ્ટી 24300ની નીચે; ટાટા મોટર્સ, લાર્સન, કોટક મહિન્દ્રાના શેર વધ્યા. રેલવે મંત્રીએ આપ્યા સારા સમાચાર: મધ્યમ અને ઓછી આવક ધરાવનાર પરિવારોને થશે સીધો ફાયદો, જાણો અશ્વિની વૈષ્ણવે કરેલી જાહેરાત વિશે. કેન્દ્ર સરકારનો મોટો નિર્ણય: અગ્નિવીરોને BSF અને CISFમાં 10 ટકા અનામત મળશે, પ્રથમ બેચને ઉંમરમાં 5 વર્ષની છૂટછાટ અપાશે.

ગુજરાત હવે વામણું નહીં વાયબ્રન્ટ : સ્થાપના દિનના વંદન હો..વંદન હો..

01 May, 2024

લેકે રહેંગે...લેકે રહેંગે..ના નારા સાથે 4 વર્ષ મહાગુજરાત આંદોલનના પગલે 1 મે 1960ના રોજ ભાષાકીય ધોરણે અલગ ગુજરાતની રચના થઇ હતી. અલગ ગુજરાતને 64 વર્ષ થયા છે. ગુજરાત 64નું થયું કે ગુજરાતને 65મું બેઠુ એમ કહી શકાય. 64 વર્ષમાં ગરવી ગુજરાત કેટલુ બદલાયું, અલગ ગુજરાત બન્યુ ત્યારે ગુજરાત કેવુ હતુ અને આજે કેવુ છે એની ગાથા પ્રતિ વર્ષની જેમ વર્ણવામાં આવશે. આ 64મા સ્થાપના દિનની ઉજવણીની વચ્ચે ગુજરાતમાં 7 મેના રોજ લોકસભાની 26 સોરી, 25 બેઠકો માટે મતદાન થશે. કેમ કે 26માંથી એક બેઠક સુરતની, બિનહરિફ જાહેર થઇ છે.

કોંગ્રેસના ઉમેદવાર નિલેશ કુંભાણીની સામે લેતી-દેતીના આરોપો લાગ્યા છે. એમનુ ઉમેદવારી ફોર્મ રદ્દ થયું છે અને મામલો કોર્ટમાં પહોંચશે. શું થશે એ તો કોર્ટ જાણે પણ એટલુ તો કદાજ નક્કી છે કે ગરવી ગુજરાતમાં આ વખતે પણ ભાજપને 26માંથી 26 બેઠકો મળશે. કારણ...? મોદી મેજિક. ગુજરાતના મતદારોની માનસિક્તા- 200 રૂપિયો પેટ્રોલ પૂરાવીશું, બે હજારમાં ભલે ગેસનો બાટલો મળે પણ સરકાર તો મોદીની.....?!

ગુજરાતની સ્થાપના બાદ સાબરમતીમા ઘણું પાણી વહી ગયું છે. કેટલીય સરકારો આવી અને ગઇ. કોઇએ વિધનસભામાં 182માંથી 149 બેઠકોનો રેકોર્ડ બનાવ્યો તો કોઇએ 156 બેઠકો સાથે એ રેકોર્ડ તોડી નાંખ્યો અને હવે પછી કોને 156 કરતાં વધારે બેઠકો મળે છે એ તો આનેવાલા પલ જાને...હાલમાં તો પલ...પલ...હર પલ...ચૂંટણીનો મહિમા અને ચૂંટણીનો માહોલ છે...

એક રાજ્યની પ્રગતિ માટે અને દેખીતી રીતે એક દેશની પ્રગતિ માટે પણ શાંતિ અને સ્થિર સરકાર પ્રથમ શરત છે. ગુજરાતમાં વચ્ચે શંકરસિંહ બાપુની સરકાર બાદ કોઇ સરકાર એવી આવી નથી કે પાંચ વર્ષ પૂરા ન કર્યા હોય. હાં, એટલુ ખરૂ કે આખી સરકારને હાઇકમાન્ડે બદલી નાંખી હોય એવી સરકારના વડા હતા વિજય રૂપાણી. ગજરાતના ઇતિહાસમાં એમનુ નામ કોરોના કાળના સીએમ અને તેમની સરકારની મુદત પૂર્ણ થાય તે પહેલી બદલી નાંખવામાં આવીહોય એવી સરકાર તરીકેની સરસ મજાની નોંધ લખાઇ ગઇ છે.

અલગ ગુજરાત અને હાલનું ગુજરાત એટલે કે 64 વર્ષ પછીનું ગુજરાત કેવુ છે. તો જવાબ એ છે કે પોપટ કાચી કેરી ખાય...પોપટ પાકી કેરી ખાય...પોપટ આંબાની ડાળે ઝુલે જાય...ઝુલે જાય..ની જેમ ગુજરાત ખુશરંગ હીનાની જેમ ખુશ છે. ગુજરાત સરકાર ખુશ છે અને ગુજરાતના મતદારો 1987થી ખાસ કરીને 1995થી એક જ પાર્ટીની સરકારને વધાવતી આવી છે એમ લોકસભાની વર્તમાન ચૂંટણીમાં 25 વત્તા એક એમ કુલ 26 બેઠકો ફરીથી આપશે. અને હેટ્રીક નોંધાશે.

ગુજરાત હવે વાયબ્રન્ટ ગુજરાત છે. મતદારોની સંખ્યા વધીને 4 કરોડ પર પહોંચી ગઇ છે. ગુજરાતમાં કોંગ્ર્સ પાર્ટીની શાખ ખતરામાં છે. મતદારો બિચારા કોંગ્રેસને વોટ આપીને જિતાડે છે અને ગુજરાતમાંથી વળી કોઇ પાર્ટીને ભાંડીને કેસરી ખેસ પહેરીને મતદારો સાથે દ્રોહ કરે છે અને એ જ બેઠક પર એ જ પાટલી બદલુ બીજી પાર્ટીમાંથી ટિકિટ લઇને ઉભા રહે એટલે જીતી જાય...!! એ કઇ રીતે શક્ય બને...શું ઉમેદવારની જેમ મતદારોએ પણ પાટલી બદલી...? .

મહારાષ્ટ્ર અને ગુજરાતની સ્થાપના એક જ દિવસે 1 મે 1960ના રોઝ થઇ. અગાઉ બન્ને બોમ્બે સ્ટેટના એક ભાગ હતા. બોમ્બે સ્ટેટમાંથી ભાષાકીય ધોરણે મરાઠા સમુદાય માટે અલગ રાજ્ય મહારાષ્ટ્ર બન્યુ અને શું શા પૈસે ચાર...ની ભાષા ધરાવનાર ગુજરાતીઓ માટે અલગ ગુજરાત બન્યું. સાબરમતી આશ્રમમાં અલગ રાજ્યની સ્થાપના થઇ અને ગુજરાતના મૂક સેવક પં. રવિશંકર મહારાજના આશિર્વાદની સાથે સ્થાપના થઇ. એ સમયે વિધાનસભા અમદાવાદમાં આજની સીવીલ હોસ્પ્ટલમાં હતી. રાજભવન શાહીબાગમાં હતું. અને સચિવાલય આંબાવાડીમાં હાલના પોલીટેકનીકમાં હતું.

સમય જતાં બધુ બદલાતુ ગયું અને અમદાવાદથી દૂર ગાંધીનગરની સ્થાપના પાટનગર તરીકે થતાં વિધાનસભા, સચિવાલય, રાજભવન, મંત્રી નિવાસસ્થાન બધુ જ અમદાવાદથી શિફટ થઇ ગયું. એ વખતે અમદાવાદથી ગાંધીનગર દૂર લાગતું હતું આજે બન્ને એક જ શહેર હોય એમ લાગે છે. જાણે ટ્વીન સીટી....

64 વર્ષમાં ગરવી ગુજરાત એક એવા મુકામ પર પહોંચ્યું કે તે ભારતને 5 ટ્રીલિયન ડોલરની ઇકોનોમી બનાવવામાં ફાળો આપી રહ્યું છે. અને ગુજરાતના ગરબાને કેમ ભૂલાય....ગરબો એટલે ગુજરાતની આગવી ઓળખ. ચૂંટણીના વાતાવરણમાં ઘણાં કહી રહ્યાં છે કે ગુજરાતમાં કોંગ્રેસનો ગરબો રૂમઝુમ રૂમઝુમ કરતો ઘેર આવશે....?! સોરી, શક્તિસિંહબાપુ પણ તમારી પાર્ટીમાંથી કોઇ કમલમ જાય તો તમે પણ રોકી શકતા નથી, ટોકી શકતા નથી. જેમ સુરતની બેઠક સામે ચાલીને આપી એમ ફરીથી બાકીની 25 બેઠકો તેમાંથી મોટા ભાગની 5 લાખની લીડ સાથે દિલ્હીમાં મોદીને દ્વાર પહોંચશે...વદન..તને ગુજરાત વંદન...જય જય ગરવી ગુજરાત.....

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0