ગુજરાત વંદન

ઓનલાઇન વસ્તુ ખરીદતા પહેલા સાવધાન ..!!! પાર્સલમાં બ્લાસ્ટ, ૩ ના મોત 3 ઈજાગ્રસ્ત ...

02 May, 2024

મોબાઇલના ઉપયોગને પરિણામે ઘર બેઠા ચીઝ -વસ્તુઓ ખરીદવાનો ક્રેઝ આજની યુવા પેઢીમાં વધુ પડતો જોવા મળી રહ્યો છે, વસ્તુ નવી ખરીદવા માટે તેઓ ઓનલાઇન સાઇટનો ઉપયોગ કરે છે, એવામાં ઘણી વખત તેઓ છેતરપિંડીનો ભોગ બનતા જોવા મળે છે. સાઇબર ક્રાઇમના આવા કિસ્સાઓમાં પણ આજકાલ વધારો થઈ રહ્યો છે. એવામાં ઓનલાઇન પાર્સલ ડિલિવરી સમયે બ્લાસ્ટ થયાની વિચિત્ર દુર્ઘટના સાબરકાંઠામાં બની હતી.

મળતી માહિતી મુજબ સાબરકાંઠા જિલ્લામાં ઓનલાઇન મંગાવેલા પાર્સલમાં બ્લાસ્ટ થયાની માહિતી મળી છે. સાબરકાંઠાના વેડા છાવણી ગામે પાર્સલમાં બ્લાસ્ટ થયો. પાર્સલમાં થયેલા બ્લાસ્ટના કારણે 3 વ્યક્તિના મૃત્યુ થયા છે અને 3 બાળકી ઈજાગ્રસ્ત થઈ છે. પરિવારે ઓનલાઈન વેબસાઈટ પરથી હોમથિયેટર મંગાવ્યું હતું. પાર્સલમાં હોમથિયેટરને બદલે કોઈ અજીબ વસ્તુ નીકળી. બહારથી પાર્સલ રિસિવ કરી ઘરમાં આવી પાર્સલ ખોલતા જ પાર્સલમાં બ્લાસ્ટ થયો.

મળતી માહિતી મુજબ, સાબરકાંઠા જિલ્લાનાં વેડા છાવણી ગામે આ ઘટના ઘટી છે. વેડા છાવણીમાં રહેતા એક પરિવારે ઓનલાઈન વેબસાઈટ પરથી હોમથિયેટર મંગાવ્યું હતું. પાર્સલને બહારથી રિસીવ કરીને પછી ઘરમાં લાવ્યા અને પાર્સલ ખોલતા બ્લાસ્ટ થયો. બોક્સ ખોલતા જ બ્લાસ્ટ થયો. બોક્સમાં હોમથિયેટર ન હતું.

બ્લાસ્ટમાં જીતુભાઈ વણઝારા અને તેની એક પુત્રીનું મૃત્યુ થયું. આ સિવાય ત્રણ લોકોને ગંભીર ઈજાઓ પણ થઈ. ઈજાગ્રસ્તોને સારવાર માટે તાત્કાલિક હોસ્પિટલ ખસેડવામાં આવ્યા. પોલીસને બ્લાસ્ટની જાણકારી મળતા જ ઘટના સ્થળે પહોચીને સમગ્ર મામલે તપાસ હાથ ધરી છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0