ગુજરાત વંદન

Breaking News

આ દવાઓ મફત મળશે: ગુજરાતના તમામ આરોગ્ય કેન્દ્રો પર ફ્રીમાં મળશે જીવન જરૂરી મેડિસિન્સ, સરકારે યાદીમાં ઉમેરી નવી દવાઓ. ફ્રાન્સથી આવ્યા માઠા સમાચાર: ઓલિમ્પિકની શરૂઆત પહેલા ફ્રાન્સના રેલવે નેટવર્ક પર હુમલો થતા 8 લાખ લોકો અસરગ્રસ્ત, ટ્રેન નેટવર્કની ખામી શોધવાના પ્રયાસો ચાલું. ભારતીય શેરબજારોમાં મોટો ઉછાળો: સેન્સેક્સ 1292 અંક વધ્યો, નિફ્ટી 24834 પર બંધ; ભારતી એરટેલ, વિપ્રો, ટાટા સ્ટીલના શેર વધ્યા. ભષ્ટ્રાચારને નાથવા ગુજરાત સરકાર લાવશે કાયદો: વિધાનસભાના ચોમાસુ સત્રમાં વિધાયક આવે તેવી શક્યતા, ભષ્ટ્રાચાર કરનાર અધિકારીઓમાં ગભરાટ. કારગીલ વિજય દિવસની ઉજવણી: વડાપ્રધાન નરેન્દ્ર મોદીએ કારગિલ યુદ્ધના વીરોને આપી શ્રદ્ધાંજલિ, લદ્દાખમાં શિંકુન લા પ્રોજેક્ટની પણ કરી શરૂઆત. રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે. સુપ્રીમ કોર્ટે કેન્દ્રને આપ્યો ઝાટકો: કોર્ટે કહ્યું- રાજ્યોને ખાણ અને ખનીજો ધરાવતી જમીનો પર ટેક્સ લગાવવાનો અધિકાર, ખનીજો પર ટેક્સ વસુલવાના મામલે મોટો ચુકાદો. શેરબજાર ખુલતાની સાથે જ તૂટ્યું: સેન્સેક્સ 600 અંક ઘટ્યો, નિફ્ટી 24300ની નીચે; ટાટા મોટર્સ, લાર્સન, કોટક મહિન્દ્રાના શેર વધ્યા. રેલવે મંત્રીએ આપ્યા સારા સમાચાર: મધ્યમ અને ઓછી આવક ધરાવનાર પરિવારોને થશે સીધો ફાયદો, જાણો અશ્વિની વૈષ્ણવે કરેલી જાહેરાત વિશે. કેન્દ્ર સરકારનો મોટો નિર્ણય: અગ્નિવીરોને BSF અને CISFમાં 10 ટકા અનામત મળશે, પ્રથમ બેચને ઉંમરમાં 5 વર્ષની છૂટછાટ અપાશે.

ઝડપથી આગળ વધી રહ્યું છે ચોમાસું: ગુજરાતમાં 15 જૂને થશે મોનસુનની એન્ટ્રી, હવામાન વિભાગે આપ્યું અપડેટ; લોકોને ગરમીથી થશે રાહત

03 Jun, 2024

ગુજરાતના મોટાભાગના જિલ્લાઓમાં હાલ ભીષણ ગરમી પડી રહી છે. જોકે આ દરમિયાન હવામાન વિભાગ તરફથી એક સારા સમાચાર આવ્યા છે. આઈએમડીના જણાવ્યા મુજબ, દક્ષિણ-પશ્ચિમ ચોમાસુ 15 જૂનથી ગુજરાતમાં એન્ટ્રી કરે તેવી શક્યતા છે. મોનસુનના આગમનની સાથે જ ગુજરાતના લોકોને ગરમીથી રાહત મળવાની શક્યતા છે.

દક્ષિણ-પશ્ચિમ ચોમાસું 30 મેના રોજ નિર્ધારિત સમય પહેલા કેરળ પહોંચી ગયું હતું. તે જ સમયે, અત્યાર સુધી ચોમાસું તમિલનાડુ, આંધ્રપ્રદેશ, કર્ણાટક, પશ્ચિમ બંગાળ અને પૂર્વોત્તર રાજ્યોમાં પહોંચી ગયું છે અને ટૂંક સમયમાં ગુજરાત, મહારાષ્ટ્ર અને મધ્ય પ્રદેશમાં પહોંચવાની સંભાવના છે. હવામાન વિભાગ (IMD) અનુસાર, 15 જૂન સુધીમાં ચોમાસું મધ્યપ્રદેશ અને ગુજરાતમાં પ્રવેશી શકે છે.

Southwest Monsoon advanced into some more parts of central Arabian Sea, some more parts of Karnataka, Rayalaseema, Coastal Andhra Pradesh, some parts of Telangana and some more parts of Westcentral and Northwest Bay of Bengal, today the 3rd June. pic.twitter.com/CLdQTlSxMO
— India Meteorological Department (@Indiametdept) June 3, 2024

ગુજરાતના પાટનગર ગાંધીનગરમાં આ સમયે ભારે ગરમી પડી રહી છે. આ દિવસોમાં ગાંધીનગરમાં દિવસનું તાપમાન 40 ડિગ્રી સેલ્સિયસથી ઉપર રહે છે. હવામાન વિભાગ (IMD)ના જણાવ્યા અનુસાર ગાંધીનગરમાં આખું સપ્તાહ આકરી ગરમી યથાવત રહેશે. IMDના જણાવ્યા અનુસાર આ સમગ્ર સપ્તાહમાં ગાંધીનગરનું મહત્તમ તાપમાન 42 થી 43 ડિગ્રી સેલ્સિયસ અને લઘુત્તમ તાપમાન 28 થી 29 ડિગ્રી સેલ્સિયસની વચ્ચે રહેવાની શક્યતા છે.

અમદાવાદમાં આ દિવસોમાં ખૂબ જ ગરમી છે અને દિવસનું તાપમાન 42 ડિગ્રી સેલ્સિયસની આસપાસ છે. હવામાન વિભાગના જણાવ્યા અનુસાર અમદાવાદમાં આ સપ્તાહ દરમિયાન આકરી ગરમી યથાવત રહેવાની સંભાવના છે. IMD અનુસાર, આ સમગ્ર સપ્તાહમાં અમદાવાદનું મહત્તમ તાપમાન 42 થી 44 ડિગ્રી સેલ્સિયસ અને લઘુત્તમ તાપમાન 28 થી 30 ડિગ્રી સેલ્સિયસ વચ્ચે રહેવાની શક્યતા છે.હવામાન વિભાગના જણાવ્યા અનુસાર જૂનના અંત સુધીમાં દિલ્હીમાં ચોમાસું આવી શકે છે. જ્યારે બિહાર, ઝારખંડ, છત્તીસગઢ, મધ્યપ્રદેશના કેટલાક ભાગો અને ગુજરાતના કેટલાક ભાગોમાં, ચોમાસાના આગમનની સામાન્ય તારીખ 10 થી 15 જૂનની વચ્ચે છે. આ વર્ષે ચોમાસું નિર્ધારિત સમય પહેલા દેશમાં પ્રવેશ્યું છે, જેના કારણે એવું અનુમાન લગાવવામાં આવી રહ્યું છે કે ચોમાસું તેના નિર્ધારિત સમય પહેલા અન્ય રાજ્યોમાં પહોંચી શકે છે.