દોહામાં નીરજ ચોપરાએ જીત્યો સિલ્વર મેડલ : એકસાથે ઓલિમ્પિક અને વર્લ્ડ ચેમ્પિયનશિપ બંને ગોલ્ડ જીતનાર પ્રથમ ભારતીય એથ્લેટ બન્યો...
![top-news](https://gujaratvandan.com/public/uploads/images/newsimages/GujaratVandan11052024_100414_neeraj-chopra-afp-file.webp)
- 11 May, 2024
દોહા ડાયમંડ લીગ કતારની સ્પોર્ટ્સ ક્લબમાં યોજાઈ, નીરજે દોહાથી જ તેની સીઝનની શરૂઆત કરી. તેણે ગઈ સિઝનમાં દોહામાં ગોલ્ડ મેડલ જીત્યો હતો.પરંતુ નીરજ ચોપરા દોહા ડાયમંડ લીગની આ સિઝનમાં સિલ્વર મેડલથી સંતોષ માંનવો પડ્યો હતો. તે આ વર્ષે પોતાના ટાઇટલનો બચાવ કરી શક્યો ન હતો. તેણે 6 રાઉન્ડ પછી 88.36 મીટરનો બેસ્ટ થ્રો ફેંક્યો, જે તેના છેલ્લા પ્રયાસમાં આવ્યો.
ચેક રિપબ્લિકનો યાકુબ વાદલેચ પ્રથમ નંબરે રહ્યો, તેણે ત્રીજા એટેમ્પટમાં 88.38 મીટરનો બેસ્ટ થ્રો ફેંક્યો હતો.ભારતના અન્ય જેવલિન થ્રોએર કિશોર જેના 10 એથ્લેટ્સમાં 9મા સ્થાને રહ્યો. તેણે ત્રીજા પ્રયાસમાં 76.31 મીટરનો બેસ્ટ થ્રો ફેંક્યો હતો.નીરજ ચોપરાનો પહેલો થ્રો ફાઉલ રહ્યો હતો. તેણે બીજા એટેમ્પ્ટમાં 84.93 મીટર, ત્રીજા એટેમ્પ્ટમાં 86.24 મીટર, ચોથા એટેમ્પ્ટમાં 86.18 મીટર, પાંચમા એટેમ્પ્ટમાં 82.28 મીટર અને છેલ્લા એટેમ્પ્ટમાં 88.36 મીટર લોન્ગ થ્રો ફેંક્યો હતો.
નીરજે તેની 2023 સીઝનની શરૂઆત પણ દોહામાં કરી હતી. ગયા વર્ષે આ જ ઈવેન્ટમાં ચોપરાએ 88.67 મીટરના અંતર સાથે ગોલ્ડ જીત્યો હતો. તેમજ, ચેક રિપબ્લિકના યાકુબ વાદલેચ બીજા સ્થાને હતા. તેણે માત્ર 0.04 મીટરથી ટોપ સ્થાન ગુમાવ્યું હતું. જો કે, વાદલેચે 2023માં યુજીનમાં યોજાયેલી ફાઇનલમાં નીરજને હરાવીને ડાયમંડ લીગનો તાજ જીત્યો હતો. આ વખતે વાદલેચે દોહામાં પણ નીરજને હરાવ્યો હતો.
નીરજ એકસાથે ઓલિમ્પિક અને વર્લ્ડ ચેમ્પિયનશિપ બંને ગોલ્ડ જીતનાર પ્રથમ ભારતીય એથ્લેટ બન્યો. તેણે 2021માં ટોક્યો ઓલિમ્પિકમાં ગોલ્ડ જીત્યો હતો.ભારત 1900થી ઓલિમ્પિકમાં ભાગ લઈ રહ્યું છે, પરંતુ નીરજ પહેલાં, કોઈ પણ ભારતીયે ટ્રેક અને ફિલ્ડ ઈવેન્ટ્સમાં કોઈપણ રંગનો મેડલ જીત્યો ન હતો. નીરજ પહેલાં, મિલ્ખા સિંહ અને પીટી ઉષાનું અલગ-અલગ ઓલિમ્પિકમાં ચોથું સ્થાન મેળવવું એ ભારતનું સર્વશ્રેષ્ઠ પ્રદર્શન હતું.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ