ફારૂક : લોકસભા-વિધાનસભાની ચૂંટણી એકલા હાથે લડીશું કોઈપણ પાર્ટી સાથે જોડાણ નહીં,INDIA ગઠબંધનને વધુ એક ફટકો
![top-news](https://gujaratvandan.com/public/uploads/images/newsimages/GujaratVandan15022024_114507_107719569.webp)
- 15 Feb, 2024
લોકસભા ચૂંટણી પહેલા INDIA ગઠબંધનને એકબાદ એક ફટકા પડી રહ્યા છે. પહેલા દિગ્ગજ નેતાએ નીતિશ કુમારે INDIA ગઠબંધન છોડ્યા બાદ હવે અન્ય એક દિગ્ગજ નેતાનું નિવેદન સામે આવ્યું છે. જમ્મુ-કાશ્મીરના પૂર્વ મુખ્યમંત્રી અને નેશનલ કોન્ફરન્સના ચીફ ફારૂક અબ્દુલ્લાએ NDA ગઠબંધનમાં સામેલ થવાના સંકેત આપ્યા છે.
મીડિયા સાથે વાત કરતા ફારુકે સ્પષ્ટ કર્યું છે કે, તેઓ કોઈપણ પાર્ટી સાથે ગઠબંધન નહીં કરે. તેમની પાર્ટી નેશનલ કોન્ફરન્સ જમ્મુ-કાશ્મીરમાં એકલા હાથે ચૂંટણી લડશે. ફારુકે શ્રીનગરમાં કહ્યું, "હું સમજું છું કે જમ્મુ-કાશ્મીરમાં વિધાનસભા અને લોકસભાની ચૂંટણી એકસાથે યોજાશે. જ્યાં સુધી સીટ શેરિંગ ફોર્મ્યુલાનો સવાલ છે, નેશનલ કોન્ફરન્સ એકલા હાથે ચૂંટણી લડશે અને તેને લઈ કોઈ શંકા નથી.
આ સાથે તેમણે કહ્યું કે, ફારુક અબ્દુલ્લાએ કહ્યું છે કે, દેશના નિર્માણ માટે મારે જે પણ કરવું પડશે તે કરીશ. વડાપ્રધાન અને ગૃહમંત્રીને મળવાના પ્રશ્ન પર તેમણે કહ્યું કે, જ્યારે તેઓ બોલાવે તો કોણ વાત કરવા ન માંગે ? નેશનલ કોન્ફરન્સના ચીફ ફારૂક અબ્દુલ્લાએ કહ્યું કે, અમે લોકસભા અને વિધાનસભાની ચૂંટણી એકલા હાથે લડીશું.
કોઈપણ પક્ષ સાથે લડશે નહીં. NDAમાં સામેલ થવા અંગે તેમણે કહ્યું કે, અમે ભવિષ્યમાં NDAમાં જોડાવાની શક્યતાને નકારી શકીએ નહીં. તેમણે કહ્યું કે, INDIA ગઠબંધન માં સીટ શેરિંગ પર વાતચીત નિષ્ફળ ગઈ, જેના કારણે આ નિર્ણય લેવામાં આવ્યો છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ