આગામી ચૂંટણીના ઉમેદવારોના નામોની યાદી ટુંક સમયમાં જાહેર દિલ્હી બીજેપી હેડક્વાર્ટરમાં પાર્ટીની સેન્ટ્રલ ઈલેક્શન કમિટીની બેઠક માં કરાયો નિર્ણય
.jpg)
- 02 Mar, 2024
દિલ્હીમાં ભાજપ પોતાના હેડ ક્વાટર ખાતે એક મહત્વપૂર્ણ પ્રેસ કોન્ફરન્સ કરવામાં આવનાર છે. જેમાં ભાજપ આગામી લોકસભા ચૂંટણી માટે તેના ઉમેદવારોની પ્રથમ યાદી જાહેર કરી શકે છે. પાર્ટીના સૂત્રોના જણાવ્યા અનુસાર વડાપ્રધાન નરેન્દ્ર મોદીનું નામ ઉમેદવારોની પ્રથમ યાદીમાં હોવાની આશા છે. આ સિવાય ગૃહમંત્રી અમિત શાહનું નામ પણ લિસ્ટમાં સામેલ થવાની અટકળો છે. એવું માનવામાં આવે છે કે પ્રથમ યાદીમાં વારાણસી, અયોધ્યા, પ્રયાગરાજ, આઝમગઢ અને ગોરખપુર સહિત ઉત્તર પ્રદેશની ઘણી મોટી બેઠકો માટેના ઉમેદવારોના નામ સામેલ હશે.
ઉમેદવારોના નામ પર ચર્ચા કરવા માટે 29 ફેબ્રુઆરીએ દિલ્હી બીજેપી હેડક્વાર્ટરમાં પાર્ટીની સેન્ટ્રલ ઈલેક્શન કમિટીની બેઠક યોજાઈ હતી. આ બેઠક રાત્રે 8 વાગ્યે શરૂ થઈ હતી અને સવારે લગભગ 4 વાગ્યા સુધી ચાલી હતી. જેમાં PM મોદી, ગૃહ પ્રધાન અમિત શાહ, પાર્ટી અધ્યક્ષ જેપી નડ્ડા સહિતના અગ્રણી ભારતીય નેતાઓએ ભાગ લીધો હતો. બેઠકમાં લગભગ 17 રાજ્યોની લોકસભા બેઠકો પર ચર્ચા કરવામાં આવી હતી અને 155 થી વધુ બેઠકો પર નિર્ણયો લેવામાં આવ્યા હતા, જેની વિગતો આજે યોજાનારી ભાજપની પ્રેસ કોન્ફરન્સમાં જાહેર કરવામાં આવે તેવી શક્યતા છે.
ભાજપની બેઠકમાં રક્ષા મંત્રી રાજનાથ સિંહ, સંગઠન મહાસચિવ બીએલ સંતોષ, પ્રદેશ પ્રમુખ, પ્રભારી, સહ પ્રભારી અને ચૂંટણી પ્રભારી, ઉત્તર પ્રદેશ, ગુજરાત, મધ્યપ્રદેશ, છત્તીસગઢ, રાજસ્થાન, આસામ, ઉત્તરાખંડ અને ગોવાના મુખ્યમંત્રીઓ ઉપસ્થિત રહ્યા હતા. બેઠકમાં ઉત્તર ભારતના તમામ રાજ્યો ઉપરાંત મહારાષ્ટ્ર, ગુજરાત, તેલંગાણા, કેરળ અને તમિલનાડુની લોકસભા બેઠકો અંગે ચર્ચા કરવામાં આવી હતી. વડાપ્રધાન નરેન્દ્ર મોદીએ આગામી લોકસભા ચૂંટણી માટે 400ને પાર કરવાનો નારો આપ્યો છે. ભાજપ એકલા હાથે 370થી વધુ બેઠકો મેળવવાનું લક્ષ્ય ધરાવે છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
