વિશ્વનો પહેલો દેશ-બંધારણમાં ગર્ભપાતના અધિકારનો સમાવેશ રાષ્ટ્રપતિ ઈમેન્યુઅલ મેક્રોને મહિલાઓને પહેલા જ વચન આપ્યું હતું
- 05 Mar, 2024
ફ્રાન્સ તેના બંધારણમાં ગર્ભપાતના અધિકારનો સમાવેશ કરનાર વિશ્વનો પ્રથમ દેશ બન્યો છે. સમગ્ર વિશ્વમાં ગર્ભપાત વિરોધી જૂથો આ નિર્ણયનો વિરોધ કરી રહ્યા હતા. આમ છતાં મેક્રોનની સરકારે કડકાઈ બતાવી અને મોટો નિર્ણય લીધો. ફ્રાન્સની સંસદમાં આ બિલની તરફેણમાં 780 વોટ પડ્યા હતા. વિરોધમાં માત્ર 72 મત પડ્યા હતા. ઘણા ગર્ભપાત અધિકાર કાર્યકર્તાઓ પેરિસમાં એકઠા થયા હતા અને આ નિર્ણયને આવકારતા હતા.
જો સર્વેની વાત કરીએ તો અમેરિકા કે અન્ય દેશ કરતાં ફ્રાન્સમાં ગર્ભપાતના અધિકારને વધુ સમર્થન મળ્યું છે. અહીં લગભગ 80 ટકા લોકોએ આ અધિકારને સાચો માન્યો. ફ્રાન્સના વડા પ્રધાન ગેબ્રિયલ અટ્ટલે કહ્યું, અમે તમામ મહિલાઓને સંદેશ આપી રહ્યા છીએ. તમારું શરીર તમારું એકલું છે. તમારા સિવાય બીજા કોઈને પણ આ સંબંધમાં નિર્ણય લેવાનો અધિકાર નથી.
ફ્રાન્સમાં 1974થી મહિલાઓને ગર્ભપાતનો કાયદેસર અધિકાર છે. 2022 માં, યુએસ સુપ્રીમ કોર્ટે રો Vs વેડ ના નિર્ણયને ઉથલાવી દીધો અને ગર્ભપાતના કાયદાકીય અધિકારને નાબૂદ કર્યો. ફ્રાન્સના રાષ્ટ્રપતિ ઈમેન્યુઅલ મેક્રોને કહ્યું કે તેમણે મહિલાઓને પહેલાથી જ વચન આપ્યું છે કે તેઓ ગર્ભપાતનો બંધારણીય અધિકાર આપશે.
આ સુધારા બિલ જણાવે છે કે ફ્રાન્સમાં ગર્ભપાતની ગેરંટી સાથે સ્વતંત્રતા છે. એવું કહેવામાં આવી રહ્યું છે કે ફ્રાન્સની સરકાર મહિલા દિવસના અવસર પર એક મોટા કાર્યક્રમનું આયોજન કરશે અને આ નિર્ણયની ઉજવણી કરશે. ફ્રેન્ચ ડાબેરીઓ આને પોતાની સૌથી મોટી જીત માની રહ્યા છે. કેથોલિક ચર્ચે પણ આ બિલનો વિરોધ કર્યો હતો.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
