ગુજરાત વંદન

જેસલમેરમાં ફાઇટર પ્લેન ક્રેશ: પોખરણમાં 'ભારત શક્તિ' યુદ્ધાભ્યાસમાં સામેલ

13 Mar, 2024

પ્રધાનમંત્રી મોદીની રાજસ્થાન મુલાકાત દરમ્યાન એક ફાઇટર પ્લેન ક્રેશ થવાની દુર્ઘટના ઘટી હતી,સદનસીબે કોઇ જાનહાનિ થવા પામી ન હતી. બનાવની વિયાગત મુજબ રાજસ્થાનના પોખરણમાં ચાલી રહેલી 'ભારત શક્તિ યુદ્ધાભ્યાસ'માં સામેલ તેજસ ફાઇટર જેટ ક્રેશ થયું હતું. તેજસ ફાઇટર પ્લેન ક્રેશની આ પ્રથમ ઘટના છે. જેસલમેર શહેરથી 2 કિમી દૂર જવાહરનગર સ્થિત ભીલ સમુદાયની હોસ્ટેલ પર મંગળવારે બપોરે લગભગ 2 વાગ્યે ફાઇટર પ્લેન ક્રેશ થયું હતું.

આ દુર્ઘટના ઘટી એ સમયે હોસ્ટેલના રૂમમાં કોઈ નહોતું. જેથી મોટું નુકસાન ન થયું .આ દુર્ઘટના પોખરણમાં ચાલી રહેલી એક્સર્સાઇઝ સાઇટથી લગભગ 100 કિમી દૂર જેસલમેરમાં થઈ હતી. આ કાર્યક્રમમાં વડાપ્રધાન નરેન્દ્ર મોદી, રક્ષામંત્રી રાજનાથ સિંહ અને અન્ય ઘણા નેતાઓ અને સેનાના વરિષ્ઠ અધિકારીઓ હાજર હતા.

ક્રેશ થનાર ભારતીય સેનાનું વિમાન LCA એટલે કે લાઈટ કોમ્બેટ એરક્રાફ્ટ તેજસ હતું. એરક્રાફ્ટ અકસ્માત સમયે ઓપરેશનલ ટ્રેનિંગ પર હતું. અકસ્માત બાદ સેનાએ આ મામલે કોર્ટ ઓફ ઇન્ક્વાયરીનો આદેશ આપ્યો છે. વાયુસેનાના અધિકારીઓએ જણાવ્યું હતું કે ફાઈટર પ્લેનનો એક પાઇલટ ક્રેશ પહેલાં બહાર નીકળવા માં સફળ થયો હતો. જોકે, પેરાશૂટ સમયસર ન ખુલવાને કારણે એક પાયલોટ ઘાયલ પણ થયો હતો. જેને આર્મી હોસ્પિટલમાં લઈ જવામાં આવ્યો .

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎