:
Breaking News
NEET-UG પરીક્ષામાં ગેરરીતિનો મામલો: સુપ્રીમ કોર્ટે કહ્યું- પરીક્ષા ફરી વખત નહીં લેવાય, ફ્રોડના પુરાવા પુરતા નથી. બજેટની પ્રત્યેક વિગતો મુદ્દા સહિત: પ્રથમ નોકરીવાળાને 15 હજાર, 1 કરોડ મકાન, ટેક્સ છૂટ; વાંચો નિર્મલાના પટારામાંથી શું-શું નીકળ્યું ?. બજેટના દિવસે શેરબજારમાં કડાકો: લોંગ ટર્મ કેપિટલ ગેઈન ટેક્સ વધારાતા માર્કેટ રીસાયું; સેન્સેક્સ 900 અંક ઘટ્યો, નિફ્ટીએ 24250નું લેવલ તોડ્યું. બજેટ આ રીતે કરશે તમારા ખિસ્સાને અસર: એક સેકન્ડમાં જાણી લો શું થયું મોઘું અને શું થયું સસ્તું ?. બજેટે આપી બિઝનેસ કરવાની ઉત્તમ તક: બિઝનેસ માટે લોન મેળવવા આ રીતે કરો અરજી, સરકાર કરશે આટલા લાખ રૂપિયા સુધીની સહાય. બજેટ પહેલા નીતિશના આ શબ્દોનો શું અર્થ ?: નીતિશ કુમારે કહ્યું- બધી વસ્તુઓની ધીરે-ધીરે ખબર પડશે, શું નીતિશ મોદી સરકારને ચાલવા દેશે કે પછી ટેકો પાછો ખેંચશે ?. બજેટ પૂર્વે આર્થિક સર્વે રજૂ: ઉદ્યોગ જગતને કેન્દ્ર સરકાર ઈલેક્ટ્રિક વ્હિકલ્સની નીતિઓમાં સુધારો કરશે તેવી અપેક્ષા, શું બજેટ પછી ઈલેક્ટ્રિક વ્હિકલ્સ ભાવ ઘટશે?. હોકી પ્લેયર શ્રીજેશની મોટી જાહેરાત: સુપરસ્ટાર ગોલકીપર શ્રીજેશે સોશિયલ મીડિયા પર કરી નિવૃતિની જાહેરાત, કહ્યું- પેરિસ ગેમ્સ પછી રમતમાંથી સંન્યાસ લેશે. કાવડ યાત્રા-નેમપ્લેટ વિવાદ: સુપ્રીમ કોર્ટે કહ્યું- દુકાનદારોએ પોતાની ઓળખ જાહેર કરવાની જરૂર નથી પરંતુ ખોરાક શાકાહારી છે કે માંસાહારી છે તે પ્રકાશિત કરવું જરૂરી. સરકારનો મોટો નિર્ણય: સરકારી કર્મચારીઓ RSSના કાર્યક્રમોમાં જોડાઈ શકશે, 58 વર્ષ પહેલા લગાવવામાં આવ્યો હતો પ્રતિબંધ; જાણો કોંગ્રેસે શું કહ્યું ?.

ભારત અને ભૂટાન વચ્ચે 1968 થી રાજદ્વારી સંબંધો નાનો દેશ હોવા છતાં ભૂટાનની પોતાની એક અલગ ઓળખ

top-news
  • 22 Mar, 2024

 નરેન્દ્ર મોદી બે દિવસના ભૂટાનના પ્રવાસે છે. જ્યાં ભૂટાનના વડા પ્રધાન શેરિંગ તોબગેએ તેમનું ગળે લગાવીને ઉષ્માભર્યું સ્વાગત કર્યું હતું. પીએમ મોદીની આ મુલાકાત 23 માર્ચ સુધી ચાલશે જેમાં દ્વિપક્ષીય અને ક્ષેત્રીય મુદ્દાઓ પર ચર્ચા થઈ શકે છે. ભૂટાન અને ભારત વચ્ચેના સંબંધો હંમેશા સારા રહ્યા છે, પીએમ મોદીની મુલાકાત આ સંબંધોને નવો આયામ આપી શકે છે. નાનો દેશ હોવા છતાં ભૂટાનની પોતાની એક અલગ ઓળખ છે. ભૂતાન તેની પ્રગતિ જીડીપીમાંથી નહીં પરંતુ જીએનએચ માંથી મેળવે છે. આ કારણે ભૂતાન હેપ્પી ઈન્ડેક્સમાં ભારત જેવા ઘણા મોટા દેશો કરતાં ઘણું આગળ છે.

એક રિપોર્ટ અનુસાર જીડીપીમાં પછાત હોવા છતાં મોટાભાગના ભૂટાની લોકો તેમના જીવનથી ખુશ છે. ભૂટાનની અડધાથી વધુ વસ્તી કૃષિ અને હાઇડ્રોપાવર સાથે સંકળાયેલી છે. લગભગ 8 લાખની વસ્તી ધરાવતો આ દેશ લીલાછમ જંગલો, પર્વતો અને સુંદર નજારોથી ઘેરાયેલો છે. જેના કારણે તેની આવકનો મોટો હિસ્સો પણ પ્રવાસનમાંથી આવે છે. પરંતુ કમાણી કરતાં વધુ, ભૂટાનની સરકાર સંસ્કૃતિ અને પર્યાવરણને પ્રેમ કરે છે, તેથી જ અહીં આવતા પ્રવાસીઓની સંખ્યા મર્યાદિત છે. આટલું જ નહીં, એક સમય એવો હતો જ્યારે ભૂટાને બહારના લોકો પર પ્રતિબંધ મૂક્યો હતો. વર્ષ 1970માં ભૂટાને વિદેશીઓને આવવાની પરવાનગી આપી હતી.

1999 સુધી, ભૂટાનમાં સત્તાવાર રીતે કોઈ સેટેલાઇટ ટીવી, ઇન્ટરનેટ અને કોઈ ટેલિવિઝન સ્ટેશન નહોતું. 1989માં ભૂટાન સરકારે દેશની સંસ્કૃતિને બચાવવાના નામે આ બધા પર પ્રતિબંધ મૂક્યો હતો. ભૂટાનના વિદેશ મંત્રીએ 1990માં વોશિંગ્ટન પોસ્ટને આપેલા એક ઈન્ટરવ્યુમાં કહ્યું હતું કે, “અમે આપણા દેશને આધુનિક બનાવવાનો પ્રયાસ કરી રહ્યા છીએ, તેનું પશ્ચિમીકરણ નહીં.” 1990ના દાયકા સુધી, ભૂટાનના લોકો માટે બહારની દુનિયા સાથે જોડાણનો એકમાત્ર સ્ત્રોત રેડિયો હતો. પરંતુ સમય સાથે, ભૂટાને પણ તેની નીતિઓ બદલી અને વર્ષ 1999 માં, ભૂટાનના રાજા જિગ્મે દોરજે વાંગચુકે દેશમાં ટીવીને “સાયબર યુગનો પ્રકાશ” ગણાવીને લીલી ઝંડી આપી.

ભારત અને ભૂટાન 1968 થી રાજદ્વારી સંબંધો ધરાવે છે. ભારત ભૂટાનનું સૌથી મોટું વેપાર ભાગીદાર છે, ભૂતકાળમાં પણ ભારત અને ભૂટાનના નેતાઓ વચ્ચે મુલાકાતો થઈ ચૂકી છે. વર્ષ 2013 માં, ભૂટાનના રાજા પ્રજાસત્તાક દિવસની ઉજવણીના મુખ્ય અતિથિ તરીકે ભારત આવ્યા હતા. આ સિવાય ભારત 1961થી તેની 5 વર્ષની યોજનામાં ભૂટાનની મદદ કરી રહ્યું છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ‎