નાગરિક સંરક્ષણ તાલીમ માટેની શિબિર યોજાઇઃ કુબેરનગર વિસ્તારના સાંસદ-ધારાસભ્યએ લીધી મુલાકાત ..
![top-news](https://gujaratvandan.com/public/uploads/images/newsimages/GujaratVandan08042024_060423_WhatsApp Image 2024-04-08 at 11.08.27 AM.jpeg)
- 08 Apr, 2024
કોઇપણ પ્રકારની કુદરતી આપત્તિ વખતે બચાવ કામગીરી કઇ રીતે હાથ ધરી શકાય તે માટે નાગરિક સંરક્ષણની તાલીમ મહત્વની ગણાય છે. શહેરમાં વિવિધ વોર્ડમાં આ પ્રકારની તાલીમ આપવામાં આવી રહી છે.એવી જ એક તાલીમ શિબિરનું ગુજરાત રાજ્ય સિવિલ ડિફેન્સ દ્વારા અમદાવાદ શહેરના સરદારનગર ડિવિઝન માટે કુબેરનગર વિસ્તારમા નાગરિક સંરક્ષણની બેઝીક ટ્રેનિંગનું આયોજન 01 થી 04 એપ્રિલ 2024 દરમ્યાન કરવામાં આવ્યું હતું, આ કાર્યક્રમના સંચાલન અને આયોજનમાં ચિરાગ ઘમંડે અને પૂર્વ કોર્પોરે્ટર રોશનભાઇ ગોલાણી ખાસ સક્રિય રીતે મદદરૂપ થયા હતા.
તાલીમ દરમ્યાન, હસમુખભાઈ પટેલ (સાંસદ-અમદાવાદ શહેર) અને ડૉ,પાયલબેન કુકરાણી (ધારાસભ્ય, નરોડા) દ્વારા શુભેચ્છા મુલાકાત લેવામાં આવી હતી.
આ તાલીમમાં તાલીમાર્થીઓને તાલીમ અધિકારીયો , જનક શુક્લા (ડે.ચીફ વાર્ડન), બ્રિજેશભાઈ શાહ, જયેશભાઈ વેગડા ફર્સ્ટ એઇડ, હાર્ટ એટેક વખતે સીપીઆર આપવાની રીત, આપાતકાલીન સમયમાં બચાવ કામગીરી વગેરે ની તાલીમ આપવામાં આવી હતી અને ફાયર ફાઇટર અઘતન સાધનોનું પ્રદર્શન, ફાયર સફેટીની માહિતી, હીતેશભાઈ પટેલ (ફાયર સ્ટેશન ઇન્ચાર્જ) દ્વારા પૂરી પાડવામાં આવી હતી અને 108 અને 181 સર્વિસની કામગીરી વગેરેની માહિતી,દેવેન્દ્ર શ્રીવાસ્તવ અને ભાવનાબેન પરમાર દ્વારા આપવામાં આવી હતી.
આ ટ્રેનિંગના ઉદઘાટન કાર્યક્રમમાં સિવિલ ડિફેન્સના પદાધિકારીઓ જોડાયા હતા, જેમાં દિલીપભાઈ ઠાકર (જોઇન્ટ સેક્રેટરી, અને ડે,કન્ટ્રોલર) બાબુભાઇ ઝડફિયા(ચીફ વાર્ડન,અમદાવાદ શહેર) હર્ષદભાઈ નાયક (ડે. ચીફ વાર્ડન) મનોજભાઈ રાવલ (ડે.ચીફ વાર્ડન) ભાનુભાઇ વૈધ (ડે.ચીફ વાર્ડન) જેઠો લાલવાની (ડીવીઝનલ વાર્ડન, સરદારનગર) ડૉ,રોશન ગોલાણી (ડે.ડીવીઝનલ વાર્ડન, સરદારનગર) ઉપસ્થિત રહ્યા હતા. અને મોટી સંખ્યામાં તાલીમાર્થીઓ એ ભાગ લીધો હતો.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ