ગુજરાત વંદન

ઈરાન હુમલો-શેરબજાર પર અસર: સેન્સેક્સ 393 અંક ઘટ્યો, નિફ્ટી 22500ની નીચે

15 Apr, 2024

ઈઝરાયલ વિરુદ્ધ ઈરાને શરૂ કરેલા યુદ્ધની અસર આજે ભારતીય શેરબજાર પર જોવા મળી રહી છે. સવારે 10.55 કલાકે સેન્સેક્સ 393 અંક ઘટી 73851 પર કારોબાર કરી રહ્યો છે. જ્યારે નિફ્ટી 109 અંક ઘટી 22410 પર કારોબાર કરી રહ્યો છે.

સેન્સેક્સ પર જેએસડબલ્યુ સ્ટીલ, નેસ્લે, ટીસીએસ, ટાટા સ્ટીલ અને રિલાયન્સ સહિતના શેરમાં તેજી જોવા મળી રહી છે. જેએસડબલ્યુ સ્ટીલ 1.10 ટકા વધી 875.95 પર કારોબાર કરી રહ્યો છે. નેસ્લે 0.97 ટકા વધી 2560.75 પર કારોબાર કરી રહ્યો છે. જ્યારે એચયુએલ, આઈસીઆઈસીઆઈ બેન્ક, ટાટા મોટર્સ, ટેક મહિન્દ્ર, એસબીઆઈ સહિતના શેરમાં ઘટાડો જોવા મળી રહ્યો છે. એચયુએલ 1.66 ટકા ઘટી 2196.00 પર કારોબાર કરી રહ્યો છે. આઈસીઆઈસીઆઈ બેન્ક 1.64 ટકા ઘટી 1086.00 પર કારોબાર કરી રહ્યો છે.

શેરબજારમાં આજે જોવા મળેલા ઘટાડાના પગલે રોકાણકારોની મૂડી 3.63 લાખ કરોડ ઘટી છે. સ્મોલકેપ અને મીડકેપ શેરમાં મોટાપાયે વેચવાલી જોવા મળી રહી છે. એફએમસીજી, બેન્કિંગ, ફાઈનાન્શિયલ સર્વિસિસ, સ્મોલકેપ, મીડકેપ, આઈપીઓ ઈન્ડેક્સ 1.50 ટકાના ઘટાડા સુધી ટ્રેડ થઈ રહ્યાં છે. આઈટી અને ટેક્નો શેરોમાં પણ પ્રોફિટ બુકિંગ વધ્યું છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0