રાહુલના હેલિકોપ્ટરની તપાસ કરાતા વિવાદ: ચૂંટણી અધિકારીઓએ ચેકિંગ કર્યું
- 15 Apr, 2024
એક અસામાન્ય ઘટનામાં ચૂંટણીપચના અધિકારીઓ દ્વારા કોંગ્રેસના
સંસદ સભ્ય રાહુલ ગાંધીના હેલિકોપ્ટરની તપાસ કરવામાં આવતા વિવાદ સર્જાયો છે. કેમકે
સામાન્ય રીતે આ રીતે કોઈ રાજકીય નેતાના હેલિકોપ્ટર કે અન્ય વાહનની તલાશી લેવામાં
આવતી નથી.
આ અંગેની
પ્રાપ્ત વિગત એવી છે કે કોંગ્રેસના સંસદ સભ્ય રાહુલ ગાંધીના હેલિકોપ્ટરની તપાસ
તામિલાનાડુંના નિલગીરી ખાતે ચૂંટણી અધિકારીઓ દ્વારા કરવામાં આવી હતી. નિલગીરી ખાતે
રાહુલના હેલિકોપ્ટરનું લેન્ડિંગ થયા બાદ સ્કોવોડ અધિકારીઓ દ્વારા આ ચેકિંગ કરવામાં
આવ્યું હતું.
રાહુલ ગાંધી
જ્યારે તેમના ચૂંટણી પ્રચાર માટે વાયનાડ જઈ રહ્યાં હતા, તે દરમિયાન આ તપાસ
હાથધરવામાં આવી હતી. રાહુલ ગાંધીએ તેમના લોકસભાના મતવિસ્તાર એવા કેરળ ખાતે ચૂંટણી
પ્રચાર માટે રોડશો અને જનસભાનું આયોજન કર્યું હતું. ઉલ્લેખનીય છે કે વર્ષ 2019ની
લોકસભા ચૂંટણીમાં રાહુલ ગાંધીની જીત થઈ હતી.
વાયનાડમાં કોંગ્રેસમાંથી રાહુલ ગાંધીની સામે કોમ્યુનિસ્ટ પાર્ટી ઓફ ઈન્ડિયા(સીપીઆઈ)ના એની રાજા મેદાનમાં છે. કોમ્યુનિસ્ટ પાર્ટી વિરોધ પક્ષના ગઠબંધન એવા ઈન્ડિયા બ્લોકનો મિત્ર પક્ષ છે. બીજેપી અહીં કેરળના યુનિટ ચીફ એવા કે સુંદરનને ચૂંટણી લડાવી રહી છે.