ગુજરાત વંદન

સંદેશખાલીમાં CBIએ દરોડા પાડ્યા: ટીમે ઓપરેશન હાથ ધરીને વિદેશી પિસ્તોલ-હથિયારો જપ્ત કર્યા

27 Apr, 2024

દેશમાં લોકસભાની ચુંટણીઓ ચાલી રહી છે .બે તબક્કાનું મતદાન હાલમાં પૂર્ણ થઈ ગયું છે . ત્યારે બીજા તબકકાના મતદાન પૂર્વે સીબીઆઇને સંદેશખાલીમાં હથિયારોનો મોટો જથ્થો સંતતાડવામાં આવ્યો હોવાની વિગતો મળી હતી . એ વિગતોના આધારે સીબીઆઇ દ્વારા દરોડા પાડવામાં આવ્યા . જેને લઇનેtmc

દ્વારા વિરોધ કરવામાં આવ્યો હતો .

બનાવની વધુ વિગતો મુજબ પશ્ચિમ બંગાળમાં બીજા તબક્કાના મતદાન દરમિયાન શુક્રવારે CBIએ સંદેશખાલીમાં દરોડા પાડ્યા હતા. સીબીઆઈના આ દરોડાથી બંગાળની સત્તાધારી પાર્ટી ટીએમસી નારાજ છે. મમતા સરકારએ CBI વિરુદ્ધ બંગાળના મુખ્ય ચૂંટણી કમિશનરને ફરિયાદ કરી.સંદેશખાલીમાં તપાસ દરમિયાન સીબીઆઈને ઈનપુટ મળ્યા હતા કે હથિયારોનો મોટો જથ્થો છુપાવવામાં આવ્યો છે. શુક્રવારે ટીમે ઓપરેશન હાથ ધરીને વિદેશી પિસ્તોલ સહિત અનેક હથિયારો જપ્ત કર્યા હતા.

કોલકાતાથી 100 કિલોમીટર દૂર સુંદરબનના સરહદી વિસ્તારમાં આવેલા સંદેશખાલીમાં છેલ્લા એક વર્ષથી હિંસા ચાલી રહી હતી . હકીકતમાં, ગામની મહિલાઓએ તાજેતરમાં આરોપ લગાવ્યો હતો કે ટીએમસી નેતા શાહજહાં શેખ અને અન્ય ટીએમસી નેતાઓએ તેમની જમીનો કબજે કરી લીધી છે અને કેટલીક મહિલાઓએ ટીએમસી નેતાઓ પર યૌન શોષણનો આરોપ પણ લગાવ્યો હતો. આ અંગે સંદેશખાલીમાં મહિલાઓએ વિરોધ કર્યો હતો. સંદેશખાલીમાં પણ ભાજપના કાર્યકરો વિરોધ કરી રહ્યા છે. શાહજહાં શેખ રાશન કૌભાંડનો આરોપી છે અને શાહજહાં શેખ તાજેતરમાં ED ટીમ પર થયેલા હુમલામાં પણ આરોપી છે. જ્યારે બંગાળના સીએમ મમતા બેનર્જીએ ભાજપ પર આ મુદ્દે રાજનીતિ કરવાનો આરોપ લગાવ્યો હતો.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0