ગુજરાત વંદન

મુખ્યમંત્રી મમતા બેનર્જીને ફરી ઈજા થઈ: હેલિકોપ્ટરમાં ચઢતી વખતે પડ્યા

27 Apr, 2024

પશ્ચિમ બંગાળના મુખ્યમંત્રી મમતા બેનર્જી એક વખત ફરી ઈજાગ્રસ્ત થયા છે. દુર્ગાપુરમાં હેલિકોપ્ટરમાં ચઢવા દરમિયાન મમતા બેનર્જીને આ ઈજા પહોંચી છે. તેઓ હેલિકોપ્ટરમાં જ પડી ગયા હતા. તેઓ દુર્ગાપુરથી આસનસોલ જઈ રહ્યાં હતા. તેમણે ત્યાં ટીએમસી ઉમેદવાર શત્રુધ્ન સિન્હાના સમર્થનમાં એક રેલી સંબોધવાની હતી. મમતા બેનર્જી જ્યારે હેલિકોપ્ટરની અંદર જઈ રહ્યાં હતા, તે સમયે તેમનું બેલેન્સ જતુ રહ્યું અને તેઓ પડી ગયા.

તેમના સુરક્ષા કર્મચારીઓએ તેમને તાત્કાલિક મદદ કરી હતી. પ્રાપ્ત માહિતી મુજબ બંગાળના મુખ્યમંત્રી મમતા બેનર્જી થોડીવાર પછી દુર્ગાપુરથી આસનસોલ માટે રવાના થઈ ગયા હતા. ટીએમસીના સૂત્રોએ જણાવ્યું કે તેમને ખૂબ ગંભીર ઈજા પહોંચી નથી અને તે આસનસોલમાં પાર્ટીની ચૂંટણી રેલીમાં સામેલ થશે. ટીએમસી સુપ્રીમો થોડા દિવસ પહેલા પોતાના નિવાસ સ્થાનમાં ઈજાગ્રસ્ત થયા હતા. તેઓ તેમના ઘરમાં ચક્કર લગાવી રહ્યાં હતા, ત્યારે અચાનક જ પડી ગયા હતા, જેના પગલે તેમના માથામાં ઈજા થઈ હતી. બાદમાં તેમને તાત્કાલિક સારવાર માટે એસએસકેએમ હોસ્પિટલ લઈ જવામાં આવ્યા હતા, જ્યાં તેમને ટાંકા પણ લેવામાં આવ્યા હતા.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0