ગુજરાત વંદન

કોંગ્રેસે ચૂંટણી માટે જાહેર કરી વધુ એક યાદી: પાંચમા , છઠ્ઠા ,અને સાતમા તબક્કામાં મતદાન થશે..

01 May, 2024

દેશમાં હાલમાં લોકસભા ચૂંટણીના બે તબક્કાનું મતદાન પૂર્ણ થઈ ગયું છે. હજુ બીજા પાંચ તબક્કા મતદાનના બાકી છે. તેથી રાજકીય પાર્ટીઓ તેમજ અપક્ષ ઉમેદવારો તેમની ઉમેદવારી બાકીના તબક્કાઓ માટે નોંધાવી રહ્યા છે. એવામાં વિરોધ પક્ષે ઍટલે કે કોંગ્રેસ પાર્ટીએ તેના ઉમેદવારોની વધુ એક યાદી જાહેર કરી છે. કોંગ્રેસે હરિયાણાની ગુરુગ્રામ લોકસભા સીટ પરથી અભિનેતા રાજ બબ્બરને ટિકિટ આપી છે.

પાર્ટીએ આનંદ શર્માને હિમાચલ પ્રદેશની કાંગડા લોકસભા સીટથી પોતાનો ઉમેદવાર બનાવ્યો છે. કોંગ્રેસે હિમાચલની હમીરપુર લોકસભા સીટથી સતપાલ રાયજાદાને ટિકિટ આપી છે. પાર્ટીએ મહારાષ્ટ્રની મુંબઈ ઉત્તર લોકસભા સીટ પરથી ભૂષણ પાટીલને ટિકિટ આપી છે.

હરિયાણાની ગુરુગ્રામ સીટ પર છઠ્ઠા તબક્કામાં એટલે કે 25મી મેના રોજ ચૂંટણી યોજાશે. આ સિવાય હિમાચલની કાંગડા અને હમીરપુર સીટ પર સાતમા તબક્કામાં એટલે કે 1 જૂને મતદાન થશે. મહારાષ્ટ્રની ઉત્તર મુંબઈ સીટ પર પાંચમા તબક્કામાં એટલે કે 20 મેના રોજ મતદાન થશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0