કેસરગંજથી બ્રજભૂષણના પુત્રને ટિકિટ: BJPએ રાયબરેલીથી દિનેશ પ્રતાપ સિંહને ઉતાર્યા
![top-news](https://gujaratvandan.com/public/uploads/images/newsimages/GujaratVandan02052024_123730_1232.webp)
- 02 May, 2024
લોકસભા ચૂંટણીના પગલે ભારતીય જનતા પાર્ટીએ ગુરુવારે ઉમેદવારોની 17મી યાદી જાહેર કરી છે. આ લિસ્ટમાં રાયબરેલી સીટ અને કેસરગંજના ઉમેદવારોના નામ જાહેર કરવામાં આવ્યા છે. કેસરગંજ સીટ પરથી પાર્ટીએ બ્રજભૂષણના પુત્ર કરણ ભૂષણને ટિકિટ આપી છે. આ સિવાય પાર્ટીએ રાયબરેલીના ઉમેદવારના નામનો પણ ખુલાસો કર્યો છે. પાર્ટીએ અહીં દિનેશ પ્રતાપ સિંહને ઉતાર્યા છે.
બીજેપીએ પોતાના હાલના સાંસદ બ્રૃજભૂષણ શરણ સિંહની ટિકિટ કાપીને તેમના પુત્ર કરણ ભૂષણ સિંહને કેસરગંજ સીટથી મેદાનમાં ઉતાર્યા છે. કરણ ભૂષણ સિંહ બીજેપી સાંસદ બૃજભૂષણ શરણ સિંહના નાના પુત્ર છે. 13 ડિસેમ્બર 1990ના રોજ જન્મેલા કરણ એક પુત્રી અને એક પુત્રના પિતા છે. તેઓ ડબલ ટ્રેપ શૂટિંગના નેશનલ ખેલાડી રહી ચુક્યા છે.
પ્રાપ્ત માહિતી મુજબ કરણ ભૂષણે ડો.રામ મનોહર લોહિયા અવધ વિશ્વવિદ્યાલયમાંથી બીબીએ અને એલએલબીની ડિગ્રી પ્રાપ્ત કરી છે. સાથે જ ઓસ્ટ્રેલિયા બિઝનેસ મેનેજમેન્ટમાંથી ડિપ્લોમાં પણ કર્યું છે. હાલ તેઓ ઉત્તરપ્રદેશ કુશ્તી સંઘના અધ્યક્ષ છે. સાથે જ સહકારી ગ્રામ વિકાસ બેન્કના અધ્યક્ષ પણ છે. આ તેમની પ્રથમ ચૂંટણી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ