ગુજરાત વંદન

લોકસભા ચૂંટણી 2024નો ચોથો તબક્કો: સવારના 9 વાગ્યા સુધીમાં 10.35 ટકા મતદાન, બંગાળમાં સૌથી વધુ 15.24 ટકા મતદાન

13 May, 2024

લોકસભા ચૂંટણીના ચોથા તબક્કાનું મતદાન હાલ ચાલી રહ્યું છે. સવારના 9 વાગ્યા સુધીમાં સમગ્ર દેશમાં 10.35 ટકા વોટિંગ થયું છે. વોટિંગ પર એક નજર કરીએ તો આંધ્રપ્રદેશમાં 9.05 ટકા, બિહારમાં 10.18 ટકા, જમ્મુ-કાશ્મીરમાં 5.07 ટકા, ઝારખંડમાં 11.78 ટકા, મધ્યપ્રદેશમાં 14.97 ટકા, મહારાષ્ટ્રમાં 6.45 ટકા, ઓડિશામાં 9.23 ટકા, તેલંગાનામાં 9.51 ટકા, ઉત્તરપ્રદેશમાં 11.67 ટકા અને પશ્ચિમ બંગાળમાં 15.24 ટકા મતદાન થયું છે.

લોકસભાના ચોથા તબક્કા માટે આજે મતદાન થઈ રહ્યું છે. ચોથા તબક્કા માટે 10 રાજ્યો અને કેન્દ્ર શાસિત પ્રદેશોની 96 સીટો પર સવારે 7 વાગ્યાથી વોટિંગ શરૂ થઈ ગયું છે. ચૂંટણી આયોગના જણાવ્યા મુજબ ચોથા તબક્કામાં કુલ 17.7 કરોડ વોટર્સ છે અને 1.92 લાખ મતદાન કેન્દ્ર છે. ભાજપે આરોપ લગાવ્યો છે કે ટીએમસીના ગુંડાઓ મતદારોને ધમકાવી રહ્યાં છે. બીજી તરફ સપાએ દાવો કરતા કહ્યું છે કે કન્નોજમાં મતદાન કરવા દેવામાં આવતું નથી.

આ તબક્કામાં લોકસભા ચૂંટણીની સાથે-સાથે આંધ્રપ્રદેશની 175 અને ઓડિશાની 28 વિધાનસભા સીટો પર મતદાન થઈ રહ્યું છે. તેની સાથે મતદાતાઓની ભાગીદારી વધારવા માટે તેલંગાનામાં વોટિંગનો સમય વધારવામાં આવ્યો છે. લોકસભાના ચોથા તબક્કામાં 10 રાજ્યો અને કેન્દ્ર શાસિત પ્રદેશોમાંથી 1717 ઉમેદવારો ચૂંટણી લડી રહ્યાં છે. ફેરી પોલિંગ અને સુરક્ષા અધિકારીઓને પહોંચાડવા માટે ચોથા તબક્કામાં ત્રણ રાજ્યોમાં 122 હવાઈ ઉડાનની વ્યવસ્થા કરવામાં આવી છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0