ગુજરાત વંદન

રાહુલ ગાંધીએ સ્ટેજ પરથી કર્યો ખુલાસો: ઉત્તરપ્રદેશના રાયબરેલીની એક રેલીમાં પ્રિયંકા ગાંધીની હાજરીમાં રાહુલે કહ્યું- ટૂંક સમયમાં લગ્ન કરીશ

13 May, 2024

ઉત્તરપ્રદેશના રાયબરેલીમાં એક રેલી દરમિયાન રાહુલ ગાંધીને તેઓ ક્યારે લગ્ન કરશે તે અંગેનો સવાલ પુછવામાં આવ્યો હતો. તેનો જવાબ આપતા રાહુલે કહ્યું હતું કે તે ટુંક સમયમાં લગ્ન કરશે. રાયબરેલી લોકસભા બેઠકથી કોંગ્રેસ ઉમેદવાર રાહુલ ગાંધી અને કોંગ્રેસ મહાસચિવ પ્રિયંકા ગાંધી વાડ્રા રાયબરેલી પહોંચ્યા છે. આ દરમિયાન આજે કોંગ્રેસ નેતા રાહુલ ગાંધીએ રાયબરેલીમાં રેલી કરી હતી. તેમની સાથે કોંગ્રેસ મહાસચિવ પ્રિયંકા ગાંધી વાડ્રા પણ હાજર રહ્યાં હતા.

ચૂંટણી રેલી દરમિયાન એક બાળકે રાહુલ ગાંધીથી તેમના લગ્નને લઈને સવાલ કરાયો હતો. આ સવાલનો જવાબ આપતા રાહુલ ગાંધીએ કહ્યું કે, 'હવે લાગે છે કે ટૂંક સમયમાં જ કરવા પડશે.' ઉલ્લેખનીય છે કે કોંગ્રેસ મહાસચિવ પ્રિયંકા ગાંધી વાડ્રાએ આજે રાયબરેલીમાં ઘર-ઘર ચૂંટણી અભિયાન કર્યું. આ દરમિયાન તેઓ ઘર-ઘર જઈને લોકોને મળી રહ્યા છે.

કોંગ્રેસ નેતા અને રાયબરેલી લોકસભા બેઠકના ઉમેદવાર રાહુલ ગાંધીએ જનસભામાં રાયબરેલીથી ચૂંટણી લડવાનું કારણ જણાવ્યું હતું. તેમણે કહ્યું કે, 'કેટલાક દિવસો પહેલા હું મા (સોનિયા ગાંધી)ની સાથે બેઠો હતો. મેં માને કહ્યું કે એક બે વર્ષ પહેલા મેં એક વીડિયોમાં કહી દીધું કે મારી બે માતા હતી એક સોનિયા ગાંધી અને બીજા ઈન્દિરા ગાંધી. બંને માતાની આ કર્મભૂમિ છે, એટલા માટે હું રાયબરેલીથી ચૂંટણી લડી રહ્યો છું.'

જણાવી દઈએ કે, આ વખતે રાહુલ ગાંધી અમેઠીથી નહીં પરંતુ રાયબરેલીથી ચૂંટણી લડી રહ્યા છે. જ્યાં તેમની ટક્કર ભાજપના દિનેશ પ્રતાપ સિંહ સાથે છે. આ પહેલા સોનિયા ગાંધી રાયબરેલીથી સાંસદ રહી ચૂક્યા છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0