IPL 2024: હાર્દિક પંડ્યા બહાર થતા ગુજરાત ટાઈટન્સે ગિલેને કેપ્ટન બનાવ્યો
- 27 Nov, 2023
ગુજરાતના સ્ટાર ખેલાડી હાર્દિક પંડ્યાએ ગુજરાત ટાઈટન્સ સાથે છેડો ફાડી દીધો છે. એટલે કે તે, મુંબઈ ઈન્ડિયન્સમાં જોડાઈ ગયો છે. પરિણામે આગામી આઈપીએલ 2024માં મુંબઈ ટીમથી રમશે. બીજી તરફ કેપ્ટન હાર્દિક પંડ્યાની મુંબઈ ટીમમાં એન્ટ્રી થતા ગુજરાત ટાઈટન્સે શુભમન ગિલને કેપ્ટન બનાવ્યો છે.
ગુજરાત ટાઈટન્સ હાર્દિક પંડ્યાને રિટેઈન કર્યાની જાહેરાત કરવામાં આવી હતી. જોકે, બાદમાં અંદાજે બે કલાક બાદ એક ક્રિકેટ વેબસાઇટે જાહેર કર્યું કે, હાર્દિક પંડ્યા મુંબઈ ઈન્ડિયન્સ ટીમમાં પરત ફર્યો છે. આ સંપૂર્ણપણે કેશ ડીલ થઈ છે, એટલે કે, કોઈ ખેલાડીને સામેલ કરવામાં આવશે નહીં. મુંબઈ ઈન્ડિયન્સ હાર્દિકને 15 કરોડ રૂપિયા આપશે.
નોંધનીય છે કે, રવિવારે IPL ફ્રેન્ચાઇઝી ટીમે આગામી સિઝન માટે તેમના રિટેઇન અને રિલીઝ કરાયેલા ખેલાડીઓની યાદી જાહેર કરી હતી. રવિવાર રિટેઇન અને રિલીઝ વિન્ડોની છેલ્લી તારીખ હતી. RCBએ જોશ હેઝલવુડ અને વાનિન્દુ હસરાંગાને, CSKએ બેન સ્ટોક્સ, KKRએ શાર્દૂલ ઠાકુર, ઉમેશ યાદવ અને લોકી ફર્ગ્યુસનને અને MIએ જોફ્રા આર્ચરને રિલીઝ કર્યા હતા. આ તમામે 19 ડિસેમ્બરે યોજાનારી ઓક્શનમાં પ્રવેશ કરવો પડશે.
કોલકાતા નાઈટ રાઈડર્સે સૌથી વધુ 12 ખેલાડીઓ અને પંજાબ કિંગ્સે સૌથી ઓછા 5 ખેલાડીઓને બહાર પાડ્યા. ઇંગ્લિશ ક્રિકેટર બેન સ્ટોક્સ અને જો રૂટ પહેલા જ રમવાનો ઇનકાર કરી ચુક્યા છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
