કરણી સેનાના વધુ એક નેતાને જાનથી મારી નાખવાની ધમકી, ‘તુને લોરેન્સ કો ગાલી દે કર ગલતી કર દી. અબ તેરી બારી ‘RIP IN ADVANCE’
- 09 Dec, 2023
શ્રી રાષ્ટ્રીય રાજપૂત કરણી સેનાના અધ્યક્ષ સુખદેવસિંહ ગોગામેડીની હત્યા બાદ પોલીસ એક્શનમાં આવી ગઈ છે. હત્યારાઓને ઝડપી પાડવા માટે અલગ-અલગ ટીમો બનાવવામાં આવી છે. પોલીસ હત્યારાઓને પકડવા માટે રાજસ્થાનના ગામડાઓ ખૂંદી રહી છે. આ વચ્ચે હવે કરણી સેનાના રાષ્ટ્રીય અધ્યક્ષ સૂરજપાલ અમ્મૂને ધમકી મળી છે. કથિત રીતે લોરેન્સ બિશ્નોઈ ગેંગ દ્વારા સોશિયલ મીડિયા પર આ ધમકી આપવામાં આવી છે. જેમાં કહેવામાં આવ્યું છે કે, ‘તુને લોરેન્સ કો ગાલી દે કર ગલતી કર દી. અબ તેરી બારી ‘RIP IN ADVANCE’. તાઉ તુઝે કબ ઉઠા લેંગે, પતા નહીં ચલેગા.’
આ ધમકી પર સૂરજપાલ અમ્મૂએ આકરો જવાબ આપતા કહ્યું કે, ‘હું માં કરણીનો વંશજ છું, હું આવી ધમકીઓથી ડરતો નથી. અમે દેશમાંથી મુઘલો અને અંગ્રેજોને ભગાડ્યા છે. અમે અલાઉદ્દીન ખિલજીના દાંત ખાટ્ટા કર્યા છે.’ આ સાથે જ તેમણે ચેતવણી આપતા કહ્યું કે, ‘તાઉ નહીં, થારા ફૂફા હું, ડરને વાલા નહીં.’
સૂરજપાલ અમ્મૂએ કહ્યું કે, કેન્દ્રીય ગૃહમંત્રી અમિત શાહે આવા તમામ ગેંગસ્ટર્સ વિરુદ્ધ સર્જિકલ સ્ટ્રાઈક કરી છે. NIA સતત દરોડા પાડીને આવા ગુનેગારો પર કાર્યવાહી કરવામાં વ્યસ્ત છે. સુખદેવસિંહ ગોગામેડીની હત્યાને લઈને તેમણે કહ્યું કે, આ આશ્ચર્યજનક વાત છે કે પંજાબ સરકારે પહેલા જ રાજસ્થાન સરકારને પત્ર લખીને ચેતવણી આપી હતી. છતાં પણ સુખદેવસિંહને સુરક્ષા ન આપવી એ ક્યાંકને ક્યાંક રાજકીય ષડયંત્રના ભાગરૂપે તેમની હત્યા તરફ ઈશારો કરી રહી છે.
નોધનીંય છે કે રાજસ્થાનના જયપુરમાં શ્રી રાષ્ટ્રીય રાજપૂત કરણી સેનાના પ્રમુખ સુખદેવ સિંહ ગોગામેડીની ગોળી મારીને હત્યા કરવામાં આવી હતી. પોલીસે હત્યારાઓની ઓળખ કરી લીધી છે. એક આરોપીનું નામ રોહિત રાઠોડ છે. તે નાગૌરના મકરાનાનો રહેવાસી છે. જ્યારે બીજાનું નામ નીતિન ફૌજી છે. તે હરિયાણાના મહેન્દ્રગઢનો રહેવાસી છે. હાલ બંને ફરાર છે. બંનેએ 5 ડિસેમ્બરે સુખદેવ સિંહ ગોગામેડીની ગોળી મારીને હત્યા કરી હતી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
