ગુજરાત વંદન

Breaking News

મમતાને નીતિ આયોગની બેઠક ન પસંદ આવી: CM મમતા બેનર્જી મીટિંગ છોડીને નીકળી ગયા, કહ્યું- મને બોલવા જ ન દીધી. જમ્મુ-કાશ્મીરમાં સર્ચ ઓપરેશન: માછિલ સેક્ટરમાં સૈનિકો અને આતંકીઓ વચ્ચે એન્કાઉન્ટર, અથડામણમાં 1 આતંકી ઠાર; 4 જવાન ઈજાગ્રસ્ત. આ દવાઓ મફત મળશે: ગુજરાતના તમામ આરોગ્ય કેન્દ્રો પર ફ્રીમાં મળશે જીવન જરૂરી મેડિસિન્સ, સરકારે યાદીમાં ઉમેરી નવી દવાઓ. ફ્રાન્સથી આવ્યા માઠા સમાચાર: ઓલિમ્પિકની શરૂઆત પહેલા ફ્રાન્સના રેલવે નેટવર્ક પર હુમલો થતા 8 લાખ લોકો અસરગ્રસ્ત, ટ્રેન નેટવર્કની ખામી શોધવાના પ્રયાસો ચાલું. ભારતીય શેરબજારોમાં મોટો ઉછાળો: સેન્સેક્સ 1292 અંક વધ્યો, નિફ્ટી 24834 પર બંધ; ભારતી એરટેલ, વિપ્રો, ટાટા સ્ટીલના શેર વધ્યા. ભષ્ટ્રાચારને નાથવા ગુજરાત સરકાર લાવશે કાયદો: વિધાનસભાના ચોમાસુ સત્રમાં વિધાયક આવે તેવી શક્યતા, ભષ્ટ્રાચાર કરનાર અધિકારીઓમાં ગભરાટ. કારગીલ વિજય દિવસની ઉજવણી: વડાપ્રધાન નરેન્દ્ર મોદીએ કારગિલ યુદ્ધના વીરોને આપી શ્રદ્ધાંજલિ, લદ્દાખમાં શિંકુન લા પ્રોજેક્ટની પણ કરી શરૂઆત. રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે. સુપ્રીમ કોર્ટે કેન્દ્રને આપ્યો ઝાટકો: કોર્ટે કહ્યું- રાજ્યોને ખાણ અને ખનીજો ધરાવતી જમીનો પર ટેક્સ લગાવવાનો અધિકાર, ખનીજો પર ટેક્સ વસુલવાના મામલે મોટો ચુકાદો. શેરબજાર ખુલતાની સાથે જ તૂટ્યું: સેન્સેક્સ 600 અંક ઘટ્યો, નિફ્ટી 24300ની નીચે; ટાટા મોટર્સ, લાર્સન, કોટક મહિન્દ્રાના શેર વધ્યા.

લશ્કરની માહિતી પહોંચાડતો એજન્ટ ઝડપાયો બિહારનો એરોનોટિકલ એન્જિનિયરિંગ ભણેલો તમામ માહિતી ઈસ્લામાબાદમાં ISI હેન્ડલરને આપતો

10 May, 2024

ઉધમપુર મિલિટરી ઈન્ટેલીજેન્સ યુનિટના સર્વેલન્સમાં માહિતી મળી હતી કે અંકેલેશ્વર GIDCમાં કેમિકલ ફેક્ટરીમાં શંકાસ્પદ વાતચીત ચાલી રહી છે. આ માહિતી CID ક્રાઈમના CI સેલને મોકલી અપાઇ હતી. તેના આધારે તપાસ કરતા પ્રવીણ મિશ્રા નામનો એક વ્યક્તિ કે જે મૂળ બિહારનો રહેવાસી છે અને એરોનોટિકલ એન્જિનિયરિંગ ભણેલો છે તેમ CID ક્રાઈમ ગાંધીનગરના તપાસમાં જાણવા મળ્યું હતું. પ્રવીણ મિશ્રાની ધરપકડ કર્યા બાદ તેના મોબાઈલ ફોનની તપાસ કરતા કેટલાક શંકાસ્પદ ચેટિંગ તથા વોઇસ મેસેજ મળી આવ્યા હતા. તમામ વાતચીત પાકિસ્તાનના ઈસ્લામાબાદમાં ISI હેન્ડલરને આપતો હોવાનું તપાસમાં સામે આવ્યું છે.

અંકલેશ્વરની ખાનગી કંપની કે જેને DRDO તરફથી આર્મી માટેના હથિયાર અને પાર્ટ્સ બનાવવાનો કોન્ટ્રાક્ટ મળ્યો હતો. આ કંપનીમાં પ્રવીણ મિશ્રા નામનો વ્યક્તિ એન્જિનિયર તરીકે નોકરી કરતો હતો. પાકિસ્તાનમાં બેઠેલા મહિલા ISI એજન્ટ પ્રવીણ મિશ્રાને હનીટ્રેપમાં ફસાવી દીધો હતો. બાદમાં પ્રવીણ મિશ્રા પાસેથી આર્મી માટે જે વસ્તુઓ તેની કંપનીમાં બનતી હતી તેની તમામ વિગતો મગાવવામાં આવતી હતી. સોનાલી ગર્ગ નામ ધારણ કરીને મહિલા ISI એજન્ટ પ્રવીણ મિશ્રા પાસેથી ભારતના સૈન્યની ઘણી સંવેદનશીલ માહિતી મગાવી હોવાનું ધ્યાને આવ્યું છે. તેના આધારે પ્રવીણ મિશ્રાની ધરપકડ કરીને તેની વધુ પૂછપરછ કરતા હકીકત સામે આવી છે કે કહેવાતી મહિલા ISI એજન્ટના રડારમાં હજુ બીજા 20થી 25 લોકો ટાર્ગેટ પર છે. તે તમામ લોકોને હનીટ્રેપમાં ફસાવાયા છે અને આ તમામ એવા લોકો છે જેઓ સૈન્યની મશીનરી જે કંપનીમાં બનતા હોય છે તે કંપનીમાં કામ કરતા યુવાન એન્જિનિયરોને ફસાવવામાં આવ્યા છે.

CID ક્રાઈમના કસ્ટડીમાં આવેલા પ્રવીણ મિશ્રાને ISI એજન્ટે ફેસબુક દ્વારા શોધ્યો હતો. બાદમાં મિત્રતા કેળવીને પ્રેમસંબંધ વિકસાવવામાં આવ્યો અને ન્યૂડ વીડિયો કોલિંગથી લઈને એ તમામ ચીજવસ્તુઓથી પ્રવીણ મિશ્રાને તાબે કરી દેવાયો હતો. બાદમાં તેની પાસેથી ભારતીય સૈન્યની બ્રહ્મોસ મિસાઈલની માહિતી એકઠી કરી હતી. ત્યારબાદ બીજી ઘણી બધી મિસાઈલ રેન્જ તથા ફોટોગ્રાફ માગ્યા હતા. જે તમામ માહિતી પ્રવીણ મિશ્રાએ ISI એજન્ટની સપ્લાય કરી હતી.

પ્રવીણ મિશ્રાની રેકી ISI એજન્ટ દ્વારા છેલ્લા એક વર્ષથી કરવામાં આવી હોવાનું જાણવા મળી રહ્યું છે. કારણ કે પ્રવીણ મિશ્રા વર્ષ અગાઉ હૈદરાબાદની જે કંપનીમાં કામ કરતો હતો. તેમાં ભારતીય સૈન્ય માટે મિસાઈલ બનાવાતી હતી. તપાસ એજન્સીને શંકા છે કે પાકિસ્તાની ISI એજન્ટ પ્રવીણ મિશ્રાને છેલ્લા એક વર્ષથી ટ્રેક કરતા હશે.DRDOના તથા HALના જે કંપની સાથે કોન્ટ્રાક્ટ હોય અને તેમાં કામ કરતા કર્મચારીઓ અને તેમાંય ખાસ કરીને એન્જિનિયરિંગનો અભ્યાસ કરેલા હોય તેવા યુવાનોના ડેટા ISI દ્વારા એકઠા કરીને તેવા જ લોકોને હની ટ્રેપમાં ફસાવાતા હતા. આવા 20થી 25 લોકો તેઓના નિશાન પર હોવાનું સામે આવ્યું છે.

ઝેડ ક્લાઉડ એપ્લિકેશનમાં મારા ફોટોગ્રાફ છે તેમ કહીને ISI એજન્ટ લિંક મોકલીને એપ્લિકેશન ઇન્સ્ટોલ કરાવતા હતા અને જેવી એપ્લિકેશન સિસ્ટમમાં ઇન્સ્ટોલ કરવામાં આવે એટલે એપ્લિકેશનમાં રહેલો માલવેર વાયરસ સિસ્ટમમાં જતો રહેતો હતો અને આખી સિસ્ટમ ક્લોન થઈ જતી ત્યારબાદ ISI એજન્ટ બેઠો બેઠો આખીય સિસ્ટમ ઓપરેટ પણ કરી શકતા અને તમામ ગતિવિધિઓ પર નજર પણ રાખી શકતા હતા.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0