સલમાન ખાન પર હુમલો કરવાનો મામલો: એક્ટરને AK-47થી મારવાનો હતો પ્લાન, લોરેન્સ ગેંગના 4 શૂટરની મુંબઈથી ધરપકડ
- 01 Jun, 2024
ફિલ્મ એક્ટર સલમાન ખાન પર હુમલો કરવાની કોશિશને મુંબઈ પોલીસે નિષ્ફળ કરી દીધી છે. નવી મુંબઈ પોલીસે લોરેન્સ બિશ્નોઈની ગેંગના ચાર લોકોની ધરપકડ કરી છે. આ ચાર લોકો પનવેલમાં સલમાન ખાનની કાર પર હુમલો કરવાની યોજના બનાવી રહ્યાં હતાં. આ માટે પાકિસ્તાની હથિયાર સપ્લાયર પાસેથી હથિયાર મંગાવવાની યોજના હતી.
ધરપકડ કરવામાં આવેલા ચારેય આરોપી લોરેન્સ બિશ્નોઈ ગેંગના મેમ્બર છે. તેમણે ફાર્મ હાઉસ અને ઘણા શૂટિંગ સ્થળોની રેકી કરી હતી. તેમને સલમાન ખાન પર એકે-47 સહિતના અન્ય હથિયારોથી ફાયરિંગ કરવાનો આદેશ આપવામાં આવ્યો હતો. પોલીસને ઘણા વીડિયો આરોપીના મોબાઈલમાંથી મળ્યા છે.
ધરપકડ કરવામાં આવેલા આરોપીઓની ઓળખ ધનંજય ઉર્ફે અજય કશ્યપ, ગૌરવ ભાટિયા ઉર્ફે નહવી, વાસપી ખાન ઉર્ફે વસીમ ચિકના અને રિઝવાન ખાન ઉર્ફે જાવેદ ખાન તરીકે થઈ છે. પોલીસે લોરેન્સ બિશ્નોઈ, અનમોલ બિશ્નોઈ, સંપત નેહરા, ગોલ્ડી બરાર સહિત 17 લોકોની વિરુદ્ધ એફઆઈઆર દાખલ કરી છે અને આગળની તપાસ ચાલુ છે.
પૂછપરછ દરમિયાન આરોપીઓએ ખુલાસો કર્યો કે અજય કશ્યપ પાકિસ્તાનમાં ડોગા નામક એક વ્યક્તિનાં સંપર્કમાં હતો, જે એમ-16, એકે-47 અને એકે-92ને ખરીદવાનું કામ કરતો હતો. એફઆઈઆરમાં પણ આ વાત કહેવામાં આવી છે. ઉલ્લેખનીય છે કે આ વર્ષે 14 એપ્રિલે સલમાનના ઘરે લોરેન્સ ગેંગ સાથે સંકળાયેલા બે શૂટરોએ ફાયરિંગ કર્યું હતું. સવારમાં બે અજાણ્યા વ્યક્તિઓએ સલમાન ખાનના બાંદ્રા સ્થિત ગેલેક્સી એપાર્ટમેન્ટની બહાર ત્રણથી ચાર રાઉન્ડ ફાયરિંગ કર્યું હતું. બંને શૂટરો બાઈકથી આવ્યા હતા અને પછી હવામાં ફાયરિંગ કરીને ભાગી ગયા હતા.
બંનેએ હેલ્મેટ પહેર્યું હતું, તેના પગલે તેમની ઓળખ થઈ શકી નહોતી. સલમાનના એપાર્ટમેન્ટની બહાર તે ગોળીઓના નિશાન પણ મળ્યા છે. એક ગોળી તેમની બાલકનીને નેટને ચીરીને નીકળી ગઈ હતી. સોશિયલ મીડિયા પર લોરેન્સના ભાઈ અનમોલ બિશ્નોઈએ આ ઘટનાની જવાબદારી લીધી હતી. તે પછીથી શૂટરોની કરવામાં આવેલી પૂછપરછમાં પણ બંનેએ લોરેન્સ ગેંગ પાસેથી જ આ કામ માટે સોપારી મળવાની વાતને કબુલી હતી. મુંબઈ ક્રાઈમ બ્રાન્ચે બિશ્નોઈ બંધુઓને આ કેસમાં આરોપી બનાવ્યા અને હવે તે લોરેન્સની પૂછપરછની તૈયારી કરી રહી છે. ઉલ્લેખનીય છે કે બિશ્નોઈ હાલ ગુજરાતની સાબરમતી જેલમાં બંધ છે.
.webp)
.webp)
.webp)
.webp)
.webp)
.webp)
.webp)
.webp)
.webp)