ચંદીગઢ એરપોર્ટ પરની ઘટનાઃ બીજેપી સાંસદ કંગના રનૌતને ચંદીગઢ એરપોર્ટ પર લાફો મારવામાં આવ્યો, CISFના આરોપી જવાનની ધરપકડ
![top-news](https://gujaratvandan.com/public/uploads/images/newsimages/GujaratVandan06062024_121415_222.webp)
- 06 Jun, 2024
ચંદીગઢ એરપોર્ટ પર બીજેપી સાંસદ અને અભિનેત્રી કંગના રનૌત સાથે ખરાબ વર્તન કરવાનો મામલો સામે આવ્યો છે. સાંસદે કરેલી ફરીયાદમાં એ વાત સામે આવી છે કે તે ચંદીગઢ એરપોર્ટ પર પહોંચી હતી. તેણે ફ્લાઈટથી દિલ્હી આવવાનું હતું. સિક્યોરિટી ચેક ઈન પછીથી તે જ્યારે બોર્ડિંગ પાસ માટે જઈ રહી હતી, તે દરમિયાન એલસીટી કુલવિંદર કૌરે(સીઆઈએસએફ યુનિટ ચંદીગઢ એરપોર્ટ) તેમને થપ્પડ મારી હતી. તે પછીથી કંગના રનૌતની સાથે યાત્રા કરી રહેલા શખ્સ મયંક મધુરે, કુલવિંદર કૌરને થપ્પડ મારવાની કોશિશ કરી હતી. આરોપી સીઆઈએસએફ કર્મચારીની ધરપકડ કરી લેવામાં આવી છે.
ચંદીગઢ એરપોર્ટ પર બીજેપી સાંસદ અને અભિનેત્રી કંગના રનૌત સાથે ખરાબ વર્તન કરવાનો મામલો સામે આવ્યો છે. સાંસદે કરેલી ફરીયાદમાં એ વાત સામે આવી છે કે તે ચંદીગઢ એરપોર્ટ પર પહોંચી હતી. તેણે ફ્લાઈટથી દિલ્હી આવવાનું હતું. સિક્યોરિટી ચેક ઈન પછીથી તે જ્યારે બોર્ડિંગ પાસ માટે જઈ રહી હતી, તે દરમિયાન એલસીટી કુલવિંદર કૌરે(સીઆઈએસએફ યુનિટ ચંદીગઢ એરપોર્ટ) તેમને થપ્પડ મારી હતી. તે પછીથી કંગના રનૌતની સાથે યાત્રા કરી રહેલા શખ્સ મયંક મધુરે, કુલવિંદર કૌરને થપ્પડ મારવાની કોશિશ કરી હતી. આરોપી સીઆઈએસએફ કર્મચારીની ધરપકડ કરી લેવામાં આવી છે.
આ ઘટના ગુરુવારે બપોરે 3.30 કલાકે બની હતી. કંગના રનૌત એરપોર્ટ સિક્યોરિટી ચેકમાંથી નીકળી રહી હતી ત્યારે મહિલા સૈનિકે તેના પર હાથ ઉઠાવ્યો હતો. કંગનાએ આ અંગે ફરિયાદ પણ નોંધાવી છે. ખેડૂતોના આંદોલન દરમિયાન કંગનાને થપ્પડ મારનાર CISF જવાન તેના નિવેદનથી દુઃખી થઇ હતી. અત્યારે એરપોર્ટ પર હાજર સિક્યોરિટીએ કુલવિંદરને કમાન્ડેટ રૂમમાં બેસાડી રાખી છે. કંગના દિલ્હી જવા રવાના થઈ ગઈ છે. કંગના રનૌત આ લોકસભા ચૂંટણી હિમાચલ પ્રદેશના મંડીથી ભાજપ વતી લડી હતી. અભિનેત્રીની સામે કોંગ્રેસ પાર્ટીના નેતા વિક્રમાદિત્ય સિંહ હતા. કંગનાએ તેને 74,755 વોટથી હરાવ્યો.
કંગના રનૌત દિલ્હી પહોંચી ગઈ છે અને વરિષ્ઠ અધિકારીઓની હાજરીમાં તેમણે સીઆઈએસએફના ડાયરેક્ટર જનરલ નીના સિંહને ઘટનાની જાણકારી આપી છે. કંગનાનો દાવો છે કે કોન્સ્ટેબલ કુલવિંદર કૌરે ચંદીગઢ એરપોર્ટ પર તેની સાથે દલીલ કરી અને થપ્પડ મારી. કોન્સ્ટેબલ કુલવિંદરને સીઓ રૂમમાં અટકાયતમાં લેવામાં આવ્યા છે અને પૂછપરછ ચાલી રહી છે. ચંદીગઢ એરપોર્ટ પર સીઆઈએસએફ દ્વારા CCTVની તપાસ કરવામાં આવી રહી છે.