ગુજરાત વંદન

મુખ્યમંત્રી કેજરીવાલને ધમકી આપવાનો મામલો: દિલ્હી મેટ્રોમાં કેજરીવાલને ધમકી આપતા મેસેજ લખનાર યુવકની ધરપકડ, બેન્કના કર્મચારીએ કર્યું આ કામ

22 May, 2024

દિલ્હી મેટ્રો સ્ટેશનો અને ટ્રેનની અંદર મુખ્યમંત્રી અરવિંદ કેજરીવાલને મારી નાંખવાની ધમકી આપતા મેસેજ લખનાર યુવકની ધરપકડ કરવામાં આવી છે. ધમકી ભરેલા મેસેજ લખનાર આરોપીના સીસીટીવી ફુટેજ એક મીડિયા ચેનલની પાસે ઉપલબ્ધ છે. પોલીસ સૂત્રોના જણાવ્યા મુજબ આરોપીનું નામ અંકિત ગોયલ છે અને બરેલીનો રહેવાસી છે. તે બરેલીથી ગ્રેટર નોઈડા મકાનનું રજિસ્ટ્રેશન કરાવવામાં આવ્યો હતો.

અંકિત અહીં એક ફાઈવ સ્ટાર હોટલમાં રોકાયો હતો અને દિલ્હી મેટ્રોમાં સફર દરમિયાન તેણે કેજરીવાલના નામના ધમકી ભર્યા મેસેજ લખ્યા હતા. તે ખૂબ જ ભણેલો-ગણેલો છે અને એક જાણીતી બેન્કમાં કામ કરે છે. તે રાજકીય પાર્ટી સાથે જોડાયેલો નથી. પોલીસ સૂત્રોના જણાવ્યા મુજબ આરોપીની માનસિક સ્થિતિ હાલ ઠીક નથી. જોકે મેડિકલ પછી આ અંગેની પુષ્ટિ થઈ શકે છે.

ઉલ્લેખનીય છે કે 19 મેના રોજ પટેલ નગર અને રાજીવ ચોક મેટ્રો સ્ટેશનો અને એક ટ્રેન કોચમાં કેજરીવાલને લઈને અંગ્રેજીમાં ધમકી આપનારા સંદેશ લખવામાં આવ્યા હતા. આમ આદમી પાર્ટીએ આ મામલામાં પ્રેસ કોન્ફરન્સ કરીને BJP અને PMO પર કેજરીવાની હત્યાનું ષડયંત્ર રચવા અંગેનો આરોપ લગાવ્યો હતો. દિલ્હી પોલીસનું મેટ્રો યુનિટે આ મામલામાં એફઆઈઆર નોંધીને તપાસ કરી રહ્યું હતું. ધમકી ભરેલા સંદેશ લખનાર આરોપીની ઓળખ સીસીટીવી ફુટેજ દ્વારા કરવામાં આવી હતી.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0