ગુજરાત વંદન

મણિપુરમાં ઉગ્રવાદીઓએ કર્યો હુમલો: CMની એડવાન્સ સુરક્ષાની ટીમ પર કુકી ઉગ્રવાદીઓએ ઘાત લગાવીને હુમલો કર્યો, 2 જવાન ઘાયલ

10 Jun, 2024

મણિપુરના મુખ્યમંત્રી એન બીરેન સિંહની એડવાન્સ સુરક્ષા ટીમ પર કુકી ઉગ્રવાદીઓએ ધાત લગાનીને હુમલો કર્યો છે. જિરીબામ જઈ રહેલી અગ્રિમ સુરક્ષા ટીમ પર ઉગ્રવાદીઓએ ત્યારે હુમલો કર્યો, જ્યારે આ ટીમ સીએમના મંગળવારના પ્રવાસ પહેલા જિરીબામ જઈ રહી હતી. મંગળવારે સીએમએ જિરીબામની મુલાકાતે જવાના હતા.

સીઆઈડી રાજ્ય પોલીસ, સીઆઈએસએફ જવાન સહિત 2 સુરક્ષા કર્મચારીઓ આ હુમલામાં ઘાયલ છે. એક ઘાયલને ઈમ્ફાલ મોકલવામાં આવ્યો છે. જિરીબામમાં છેલ્લા 2 દિવસથી હિંસાના સમાચાર આવી રહ્યાં છે અને અહીં સ્થિતિ તણાવપૂર્ણ છે. આ જ સ્થિતિની મુલાકાત લેવા માટે મણિપુરના સીએમ બીરેન સિંહ મંગળવારે જિરીબામની મુલાકાતે છે.

નામ ન કહેવાની શરતે અધિકારીઓએ જણાવ્યું કે અગ્રિમ સુરક્ષા દળ ઈમ્ફાલથી જિરીબામ જિલ્લા તરફ જઈ રહ્યો હતો. ત્યારે સવારે લગભગ 10.30 વાગ્યે રાષ્ટ્રીય હાઈવે-37 પર કાંગપોકપી જિલ્લાના કોટલેનની પાસે ટી લાઈજાંગ ગામમાં હુમલો થયો હતો. આ દરમિયાન બે સુરક્ષા કર્મચારી ઘાયલ થયા છે. હાલ પોલીસ કમાન્ડો અને અસમ રાઈફલ્સની સંયુક્ત ટીમ દ્વારા શોધખોળ ચલાવવામાં આવી રહી છે.

સીએમ સિંહ 6 જૂને અજ્ઞાત હુમલાખોરો દ્વારા એક વ્યક્તિનું માથું કપાઈ ગયા પછી જિલ્લામાં થયેલી તાજેતરની હિંસાના સિલસિલામાં મંગળવારે જિરીબામ જિલ્લાની મુલાકાતે હતા. આ ઘટનામાં 70 જેટલા ઘર, કેટલાક સરકારી કાર્યાલયમાં આગ લગાવવામાં આવી હતી. તેના પગલે ઘણાં બધા લોકો આ વિસ્તારમાંથી ભાગી ગયા હતા.